Frivaru
secunnu misi di l'annu ntê calinnarî giulianu e grigurianu
| Jin - Frivaru - Mar | ||||||
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | ||||||
| Calannariu di abbinimenti | ||||||
Lu misi di frivaru è lu secunnu misi dû calannariu grigurianu. Lu so nomu veni dû latinu februarius. La parola siciliana veni via lu francisi dî nurmanni.
È lu misi cchiù curtu di l'annu e lu sulu chi cunta cchiù picca di 30 jorna.
Lu mutivu è stòricu e veni di lu calannariu giulianu. Pi rènniri umaggiu ô mpiraturi Augustu e a Giuliu Cesari, nu jornu vinni iunciutu ô misi di giugnettu e ô misi d'austu, e livatu dû misi di frivaru chi all'èbbica era l'ùrtumu misi di l'annu pirchì l'annu accuminzava a marzu.
È puru lu sulu misi di l'annu chi havi un nùmmuru di jorna chi cancia ogni quartu annu:
- 28 jorna pi l'anni non bisestili
- 29 jorna pi l'anni bisestili
Ntâ littiratura siciliana
canciaDi Don Chisciotti e Sanciu Panza di Giuvanni Meli:[1]
- Ma certu manuscrittu multu raru
- di li viaggi di Petru la Valli
- porta chi ntra lu misi di frivaru,
- partennu da la Mancia, lu cavalli
- mentri passava un voscu ci appuntaru;
Di Dialugu tra l'Auturi e lu sò Libru, a Usu di Prefazioni di Ninu Martogliu:[2]
- La Festa di Sant'Aita a Frivaru,
- cantanti, 'ntuppateddi, nuciddara...
- Natali, ccu li botti di murtaru,
- ccu li nuveni e li ciaramiddara!
Rifirimenti
cancia- ↑ Meli, Giuvanni, Don Chisciotti and Sanciu Panza, traduciutu di Gaetanu Cipolla (2002), Legas (edizzioni bilinguali: sicilianu e ngrisi)
- ↑ Martogliu, Ninu, The Poetry of Nino Martoglio, traduciutu di Gaetanu Cipolla, Legas (edizzioni bilinguali: sicilianu e ngrisi)