Tokyo

Tokyo ète suggette a rischie de sisme. L'11 marze 2011 'nu terremote de 9 grade, avende l'epicendre jndr'à vanne nord-oriendale de ll'isole Honshu, ha colpite Tokyo e totte 'u Giappone.

Tōkyō jè acchiate jndr'à reggione d'u Kantō, 'a cchiù ganna chianure d'u Giappone, sus a ll'isole de Honshū e se affaccie sus 'a baie omonime jndr'à quale sfociane ttré jume: Tama, Edo-gawa e Sumida. 'A capitale giappunise se spànne funnamendalmènde sus 'a chianure d'u Kantō, ccu 'na grannisseme distese urbane ca se addendre fine ccu avvrazze 'na quandetate de cetate e villagge 'nziccate, ca se sonde oramaje saldate 'ndorne a jèdde furmanne 'a gegandesche conurbazione de Tōkyō-Yokohama-Kawasaki, 'na megalopule ca cunde cchiù de 35 miglione de crestiáne.

Tōkyō combrenne pure 'na vanne 'nzulare, 'ngludenne jndr'à lle soje confine amministrative 'nu arcipelaghe ca d'a baie de Tokyo se spànne fine n'chiene oceane Pacifeche.

'U cendre de Tōkyō se iacchie a 35°41′N 139°36′E35°41′N, 139°36′E, cirche ad 'a stesse latitudene de Los Angeles e Teheran, me pe' quanne arreguarde 'a longitudene, jè 'a capitale cchiù oriendale d'u munne. Confine ccu 'a prefetture de Chiba a est, de Yamanashi a ovest, Kanagawa a sud e Saitama a nord.

Pe' spiccià, Tōkyō ète distinguibbele, da 'u punde de viste amministrative, jndre cetate propriamènde ditte, prefetture e aree metropolitane de Tōkyō.

Tōkyō, cumme cetate a sé stande, ète 'na metropule de 8.336.611 crestiáne, ca se spànne sus a 'na superficie de 621 km². L'estensione d'a cetate n'senze stritte se limite esclusivamènde ad 'a municepaletate edochiane, ca jndr'à Itaglie corresponne ad 'u comune.

L'aree d'a cetate jè scucchiáte jndre 23 quartiere speciale, ce sonde quartiere amministrativamènde distinte, quiste sonde: Adachi, Aoyama, Arakawa, Bunkyo, Chiyoda, Chūō, Edogawa, Itabashi, Katsushika, Kita, Kōtō, Meguro, Minato, Nakano, Nerima, Ōta, Setagaya, Shibuya, Shinagawa, Shinjuku, Suginami, Sumida, Toshima e Taitō.

'A prefetture de Tōkyō, ccu 13 miglione de crestiáne, ète 'a cchiù populose d'u Giappone, e se spànne sus a 2.187 km² de superficie, de cui cchiù d'u 20% recadende jndr'à ll'aree d'a cetate propriamènde ditte. Jèdde combrenne, oltre a lle 23 quartiere elengate d'apprìme, 26 cetate 'nziccate ad 'a capitale.

Oltre a quiste, 'a prefetture jè scucchiáte jndre 5 suggette de cui 1 destritte e 4 sutteprefetture: Nishitama, destritte acchiate a nord d'a prefetture, combrenne le villagge (vide 'a mappe) de Hinohara, Hinode, Mizuho ed Okutama, pure quiste conurbate jndre Tokyo.

Le 4 sutteprefetture, ca sonde Hachijō, Miyake, Ogasawara ed Ōshima; furmane 'a "Tōkyō 'nzulare" 'nquanne costituiscone dò arcipelaghe ccu 'nu totale de 473 km² de isole ca se spànne sus ll'Oceane Pacifeche, da ll'esterne d'a Baie de Tokyo fin quase ad 'u confine ccu le acque territoriale de lle Filippine. Le 2 arcipelaghe sonde quidde de lle Isole Izu, e, angore cchiù ad 'u larije jndr'à ll'Oceane Pacifeche, de lle Isole Ogasawara.

L'Area d'a Granne Tōkyō, ca combrenne le prefetture de Tōkyō, Chiba, Kanagawa e Saitama, ccu cchiù de 42 miglione de crestiáne ('a maggiore aree urbane d'u munne) e 'na estenzione de 13.555 km².

1. ↑ Accorde 'ndernazionale ccu Rome.
2. ↑ Accorde 'ndernazionale ccu Parigge.

• Dusan Simko, Einwohner und Umweltbelastung in Tokyo. Fallstudie: Die Nachbarschaft Ojima in Koto-ku., Birkhäuser-Verlag, 1990. ISBN 3-7643-2539-9
• Edward Seidensticker, Tokyo Rising: The City Since the Great Earthquake, Boston, Harvard Univ. Press, 1991. ISBN 0-674-89461-8
• Matthias Eichhorn, Pendlerverkehr in Tokyo. Probleme und Perspektiven, Holos, 1997. ISBN 3-86097-426-2
• Martin Gostelow, Tokyo City Pack, Ed. Aguilar, 1998. ISBN 84-03-59830-0
• Gottfried Wohlmannstetter, Finanzplatz Tokyo, Francoforte, Knapp, 1998. ISBN 3-7819-1167-5
• Carlos Gispert, Tokyo, Ed. Océano, 2002. ISBN 84-95199-93-9
• Giorgio Piccinato, Un mondo di città, Torino, Edizioni di Comunità, 2002. ISBN 88-245-0585-6
• Ben Simmons, Johnny Hymas, Gozard Vilhar, Japanscapes, Tokyo, Kodansha International Ltd., 2002. ISBN 4-7700-2876-8
• Martin Lutterjohann, Tokyo mit Yokohama und Kyoto, Reise Know-How Verlag Rump, 2004. ISBN 3-8317-1251-4
• Evelyn Schulz, Stadt-Diskurse in den Aufzeichnungen über das Prosperieren von Tokyo, Iudicium, 2004. ISBN 3-89129-775-0
• Jared Diamond, Collasso: come le società scelgono di morire o vivere, Torino Einaudi, 2005 [ed.italiana; titolo originale Collapse. How Societies Choose to Fail or Succeed]. ISBN 978-88-06-18642-5
• Elke Hayashi-Mähner, Tagelöhner und Obdachlose in Tokyo, Iudicium, 2005. ISBN 3-89129-181-7
• Wendy Yanagihara, Tokyo de cerca, Barcellona, Ed. Geoplaneta, 2008. ISBN 978-84-08-06965-2

• Odaiba
• Akihabara
• Harajuku
• Sky City 1000

•   Uicchiquote tène citazioni de oppure sus Tokyo
•   Uicchimedie Commons tène files multimediale sus Tokyo

Tokyo sus a Open Directory Project (Segnala sus a DMoz 'nu collegamende ca cendre cu l'argomende "Tokyo")

• (JA, EN) Official Tokyo Metropolitan Government homepage Site ufficiale d'a cetate
• (JA, EN, ZH, KO, IT, FR, ES, DE) Tokyo Tourism Info Site ufficiale de ll'agenzie pe' 'u turisme d'a cetate