Soren Sorensen

Soren Sorenson^[1] (9 de genier de 1868, Havrebjerg - 12 de febrier de 1939, Copenaga) es un quimista danés de la premiera mitat dau sègle XX. Cap dau laboratòri de Carlsberg de 1901 a 1938, estudièt leis acids aminats, lei proteïnas e leis enzims. Observèt ansin lo ròtle de la concentracion deis ions idrogèn dins lei reaccions enzimaticas e desvolopèt lo concèpte de potenciau d'idrogèn, desenant pus conegut sota lo nom de pH, per exprimir aquela grandor. Publiquèt aquela idèa en 1909 e foguèt largament adoptada per lo rèsta de la comunautat scientifica.