Sistematica

La sistematica es una disciplina dei sciéncias naturalas e de l'istòria naturala qu'a per objectiu d'inventoriar leis organismes vivents, actuaus ò dispareguts, per lei descriure d'un biais detalhat (anatomia, fisiologia, ecologia...), lei nomar e lei classar au sen de categorias ierarquizadas (genre, familha, òrdre...). Es una disciplina anciana, apareguda tre l'Antiquitat, qu'a agut una influéncia importanta sus l'aparicion e lo desvolopament d'autrei disciplinas dei sciéncias naturalas coma la botanica, la zoologia ò la micologia. Pasmens, lei sistèmas de classificacion modèrnes son apareguts après la generalizacion dau metòde scientific.