Campanha deis Illas Salamon

La campanha deis Illas Salamon se debanèt de genier de 1942 au 21 d'aost de 1945 durant la Segonda Guèrra Mondiala. Foguèt la consequéncia d'una ataca japonesa de l'archipèla qu'èra una etapa importanta lòng dei vias de comunicacion entre Austràlia e leis Estats Units d'America. Leis Aliats foguèron donc obligats de defendre leis illas. Lei combats principaus aguèron luòc entre aost de 1942 e la fin de 1943, especialament sus l'illa de Guadalcanal (7 d'aost de 1942 - 9 de febrier de 1943). Permetèron ais Aliats, principalament de tropas estatsunidencas, d'isolar la basa militara e logistica japonesa de Rabaul. Après aqueu succès, leis Estatsunidencs laissèron lei Japonés dins sa basa fins a la fin de la guèrra e mandèron sei fòrças sus d'autrei frònts pus importants.

Leis Aliats perdiguèron aperaquí 10 600 soudats tuats dins lo corrent de la batalha (9 000 Estatsunidencs), 40 naviris e 800 avions e lei Japonés 80 000 mòrts, 50 naviris e 1 500 avions.