Nøtterøy kyrkje: Skilnad mellom versjonar

Nøtterøy kyrkje er hovudkyrkja i Nøtterøy prestegjeld. Vestskipet og tårnfoten utgjer det opprinnelege kyrkjebygget. Kyrkja blei opphavleg bygd omkring 1100 i gråstein i romansk stil. Ho er utvida mot aust som korskole i to tilbygningsetappar som gjekk fore i 1839 og 1883. Kyrkja har om lag 600 sitteplassar og to gallerier.

Kyrkja var opphavleg innvia til jomfru Maria, med festdag 16. august. Dette framgår både av jordeboka til biskop Eystein (1398) og eit brev frå Pave Johannes XXII, sendt frå Avignon i Sør-Frankrike i 1323. I dette brevet, som er den eldste etterretninga om kyrkja, blir ho tala om slik på latin: «ecclesia de Niotaroy...beatissime virgins Maria constructa». På norsk blir dette Nøtterøy kyrkje...bygga til ære for den salege jomfru Maria.

Kyrkja utgjer midtpunktet i eit vakkert kyrkje- og gravlundsanlegg. Like ved ligg det eit lite parkanlegg med eit krigsminnesmerke, utført av bilethoggaren Carl E. Paulsen, oppført til ære for norske krigsveteranar. Eit relieff ved minnetavla i våpenhuset i kyrkja, over falne frå andre verdskrig, er laga av same kunstnar.

Det finst steinrelieff på enkeltsteinar i kyrkjemuren. Desse kjem kanskje frå den opphavlege kyrkja og kan i så fall daterast til siste halvdel av 1100-talet.

Kyrkjeskipet er ein modell av ein korvett. Det blei foræra i gåve av Johannes Pedersen Bruu og hengt opp i 1817.

Midt i kyrkja heng det ein stor prismelysekrone, som blei skjenka som gåve av Nøtterøys mange skipsreiare i 1868.

Altertavla blei male av Jakob Lindegaard rundt 1770. Biletet visar Jesus på korset, omkransa av jomfru Maria og Maria Magdalena knelande ved korsfoten og Johannes som står til høgre for korset. På vingene til altertavla kan ein sjå to figurar. Den eine symboliserer håpet (ankeret) og den andre trua (korset). I toppstykket er det hebraiske gudsnavnet Jahwe male i gull.

• Nøtterøy kirke Nøtterøy kyrkjelege fellesråd
• Nøtterøy kyrkje i kulturminnesok.no, nettstaden til Riksantikvaren
• Nøtterøy kyrkje i kulturminnesok.no, nettstaden til Riksantikvaren

59°13′47.8″N 10°24′24.7″E / 59.229944°N 10.406861°E / 59.229944; 10.406861