Vorma
- For elva Vorma i Vormedalen i Hjelmeland kommune sjå Vorma i Vormedalen
Vorma er ei elv som fraktar vatn frå Mjøsa til Glomma. Ho renn ut frå Mjøsa ved Minnesund og ut i Glomma om lag 30 kilometer lenger nede, ved Årnes. Elva går gjennom Eidsvoll og Nes kommune i Akershus.
| Vorma | |||
| elv | |||
 Vorma sett frå Eidsvoll. (Foto: Leif Knutsen)
| |||
| Land |  Noreg
| ||
|---|---|---|---|
| Fylke | Akershus | ||
| Kommunar | Eidsvoll, Nes | ||
| Lengd | 30 km | ||
| Kjelde | Mjøsa ved Minnesund | ||
| Munning | Glomma ved Årnes | ||
 Vorma 60°08′40″N 11°27′45″E / 60.144444444444°N 11.4625°E | |||
| Wikimedia Commons: Vorma | |||
Der Vorma renn saman med Glomma ligg den ti meter høge Funnefossen. I Vorma, sør for Eidsvoll, ligg Svanfossen, der vasstanden i Mjøsa blir regulert. Svanfoss sluse på 60 gonger 6 meter rundt Svanfossen blei opna i 1906.
Historie
endreElva skal ha fått namnet sitt fordi ho er «varm», i og med at vatnet frå Mjøsa sjeldan frys medan fjellvatnet i Glomma og Gudbrandsdalslågen ofte gjer det.
Eidsvoll mellom Minnesund og Vorma er lett å koma til med båt, og var ein viktig tingstad i norrøn tid. Her blei mellom anna Eidsivating halde.
I 1795 sperra eit skred ved Disen elva i 111 dagar slik at folk kunne gå tørrskodd over. For å hindra flaum måtte ein grava ein kanal rundt rasmassen.
Kjelder
endre- «Vorma» i Store norske leksikon, snl.no.