Tom Morello

Thomas Baptiste «Tom» Morello (fødd 30. mai 1964) er ein USA-amerikansk musikar, songar, låtskrivar, skodespelar og politisk aktivist. Han er mest kjend som medlem av bandet Rage Against the Machine og sidan i Audioslave. I 2016 var Morello medlem i supergruppa Prophets of Rage. Morello har òg turnert med Bruce Springsteen and the E Street Band.^[1] Som soloartist har han kalla seg The Nightwatchman og Street Sweeper Social Club, som er hovudsakleg akustisk. Morllo har i lag med Serj Tankian skipa den ideelle organisasjonen Axis of Justice, som har eit program ein gong i månaden på radiostasjonen Pacifica Radio i Los Angeles.

Tom Morello
Morello med The Nightwatchman i mai 2006
Fødd	30. mai 1964 (60 år)
Fødestad	Harlem i New York
Fødenamn	Thomas Baptiste Morello
Alias	The Nightwatchman
Opphav	USA
Aktiv	1979 til i dag
Sjanger	Alternative metal funk metal rap metal hardcore punk
Instrument	gitar, vokal
Tilknytte artistar	Rage Against the Machine Audioslave The Nightwatchman Prophets of Rage
Plateselskap	SonyBMG, Epic, Interscope
Verka som	Musikar, låtskrivar, skodespelar, politisk aktivist

Morello vart fødd i Harlem i New York og voks opp i Libertyville i Illinois, og vart interessert i musikk og politikk medan han var på vidaregåande skule. Han gjekk på Harvard University og tok bachelor i samfunnsfag. Etter det førre bandet hans, Lock Up vart oppløyst, møtte Morello Zack de la Rocha og i lag skipa dei Rage Against the Machine. Gruppa vart ei av dei mest populære og innverknadsrike rockegruppene i 1990-åra.

Han er mest kjend for den unike og kreative gitarspelestilen, med bruk av feedbackstøy, utradisjonell pluking og tapping, i tillegg til kraftig bruk av gitareffektar. Morello er kjend for det venstrevridde politiske synet sitt og aktivisme. I sideprosjektet The Nightwatchman kunne ha la desse politiske syna kome fram, samstundes som han spelte i det apolitiske Audioslave. Han vart rangert som den 40. beste gitaristen gjennom tidene av Rolling Stone.^[2]