Horten kommune

Kommunen har rundt 40 km kystline mot Oslofjorden, med kyststi og fleire store friområde. Han inkluderer tettstadane Horten, Borre, Nykirke, Åsgårdstrand og Skoppum.

Kommunane Borre og Åsgårdstrand blei slått saman i 1965. Borre og Horten kommunar blei slått saman i 1988. Fram til 1. juni 2002 heitte kommunen Borre.

Det er funne spor i kommunen etter busetjingar heilt tilbake til steinalderen. Borrehaugane ber vitne om at kommunen var eit maktsenter i vikingtida.

Frå 1582 var Horten ferjestad mellom Horten og Moss.

Byvåpenet til Horten var det fyrste byvåpenet kong Håkon VII godkjente. Det skjedde i 1907.

Universitetet i Søraust-Noreg sin Campus Vestfold, tidlegare Høgskolen i Vestfold ligg på Bakkenteigen, midtvegs mellom Åsgårdstrand og Horten by. Utdanningstaden har eit tett samarbeid med fleire av elektronikkbedriftene i kommunen, og med Befalsskulen for Sjøforsvaret som ligg i Horten by.

Det finst fleire kyrkjer i kommunen, mellom anna Løvøykapellet frå mellomalderen og Horten kyrkje.

Fotballklubbane Ørn-Horten og Falk kjem frå Horten.

• Francis Hagerup (1853-1921), politikar og statsminister
• Astrid Tollefsen (1897-1973), diktar
• Astrid Hjertenæs Andersen (1915-1985), diktar
• Rolv Wesenlund (1936–2013), skodespelar og moromann
• Jørgen Kosmo (1947–2017), politikar og stortingspresident
• Kurt Aust (f. 1955), opphavleg dansk forfattar
• Arne Johan Vetlesen (f. 1960), filosof (Horten, fødd i Oslo)
• Maria Aasen-Svensrud (f. 1980), stortingskvinne (Ap) sidan 2017
• Marie Ulven Ringheim (f. 1999), artist, kjend som «girl in red»
• Vidar Lønn Arnesen, programleiar
• Per Bredesen, norsk fotballspelar
• Grete Kausland, skodespelar og songar

• Offisiell nettstad