Fredrik Enge

Fredrik Enge (22. august 1864–1957) var ein norsk gardbrukar, lensmann og stortingsrepresentant frå Andebu i Vestfold. Han representerte Venstre.

Fredrik Enge
Statsborgarskap	Noreg
Fødd	22. august 1864 Andebu
Død	14. august 1957 (92 år)
Yrke	politikar, bonde
Språk	norsk
Fredrik Enge på Commons

Enge var son til ein gardbrukar i Kodal i Andebu. Skulevinteren 1882/83 gjekk han på Christopher Bruun sin folkehøgskule på Vonheim i Gausdal. Frå 1891 var han gardbrukar på farsgarden. Deretter var han lensmann i Sandeherred frå 1907 til 1935.

Enge var medlem av heradsstyret i Andebu 1892-1940 og på ny i 1945, ordførar 1897-1907 og varaordførar 1934-37. Han hadde ei rad kommunale verv, både i herad og amt/fylke. Ei tid var han nestformann i Det Norske Totalavholdsselskap. Hausten 1912 vart Enge fyrste gongen vald inn på Stortinget for einmannskrinsen Sandeherred. På tinget var han medlem i budsjettkomiteen 1913-15, sekretær i same 1916-18.