Taygete (Maand)

Taygete (ok Jupiter XX) is en vun de lütten Maanden wieter buten vun den Planeten Jupiter.

De Maand weer an’n 25. November 2000 dör en Koppel vun Astronomen ünner dat Regeer vun S. Sheppard. Toeerst weer he S/2000 J 9 nöömt, later denn hett he sien offiziellen Naam na Taygete, wat een vun de Plejaden ut de greekschen Mythologie is, kregen.

Ümloopbahn

Taygete löpt in en middleren Afstand von 23.360.000 km üm den Jupiter, woför de Maand ruchweg 732 Daag un 5 Stünnen bruukt. De Maandbahn hett en Exzentrizität vun 0,252 un wiekt dormit bannig vun en Kreis af. De Bahn is butendem üm 165,2° gegen den Jupiter-Äquater neegt. Dormit löpt Taygete retrograd, also gegen den Dreihsinn vun’n Jupiter, üm den Planeten.

Vun wegen disse Bahnegenschoppen warrt de Maand to de Carme-Grupp rekent, de na denn Jupiter-Maand Carme nöömt is. Dat is de gröttste ut de Koppel.

Physikalsch Egenschoppen

De Dörmeter vun Taygete is üm un bi 5 km, he is also bannig lütt. De Dicht warrt op 2,6 g/cm³ schätzt. Man nimmt an, dat de Maand vör allen ut Silikat-Steen besteiht. Taygete is ok bannig düster, as de meisten annern lütten Maanden ok. De Bavenflach reflektiert blots 4 % vun dat infallend Sünnlicht torüch. Man seggt, he hett en Albedo vun 0,04.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden