Verdraag

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

E verdraag, 'n conventie, 'n traktaat of 'n traité - vaanoet 't Duits ouch in officieel contekste e volkerrechtelek verdraag genump - is 'n sjrifteleke euvereinkoms vaan bindende eerd, op basis vaan internationaal rech ofwel volkerrech, tösse twie of mie volkerrechteleke subjekte, wie staote (zoewie 't Belsj, Nederland of Pruse) en polletieke institute (zoewie de Europese Unie en de Vereinegde Naties). In de praktiek is 't dèks lesteg d'r zeker vaan te zien tot de partije die 't verdraag oonderteikene ouch wèrkelek 't goon opvolge. Wie Anne Peters, 'n Duitse rechsgelierde, stèlde: "Weil es im Völkerrecht keinen zentralen Gesetzgeber gibt, fungieren die völkerrechtlichen Verträge, insbesondere die multilateralen Verträge (‚Weltordnungsverträge‘), als ‚Gesetze‘ der internationalen Gemeinschaft". Ofwel: "Umtot 't in volkerrech geine centraole wètgever gief, fungere de volkerrechteleke verdrage, mèt naom de multilateraol vertrage ("Wereldordeverdrage"), es wètte vaan de internationaol gemeinsjap".