Laser

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

'ne Laser (acroniem veur light amplification by stimulated emission of radiation) is 'n apparaat wat door gestimuleerde emissie 'ne sterk geconcentreerde leechstraol kin veurtbringe, 'n zoegeneumde laserstraol. Lasers beginne mèt 'n zwake leechbron, die weurt versterk door elektrische energie touw te veuge en die um te zètte in leech mèt de frequentie vaan de bron. Zoe oontsteit 'n straol mèt 'n zier ing bandbreidde. Umtot 'ne laser zien leech ouch sterk op ein plaots concentreert, weurt e rillatief klei doelwit in korten tied efficiënt mèt energie bestook. Lasers vinde hun ajdste en groetste touwpassing in de industrie, beveurbeeld bij de bewèrking vaan staol (wie op de foto). Minder sterke lasers gebruuk me veur ougcorrecties, die eine vaan zien bijzeendheid kinne aofhelpe. Wijer touwpassinge vinde lasers in laserpenne (gemeind es optische aonwiesstek) en in leechshows. De laser woort in 1960 door d'n Amerikaon Theodore H. Maiman oetgevoonde.

  Dit artikel is e sjtumpke. De kans Wikipedia helpe door 't aan te völle