ESA

Dit artikel is gesjreve (of begós) in 't Echters. Laes hie wie v'r mit de versjillende saorte Limburgs ómgaon.

De ESA of Europese Ruumtevaartorganisatie (ouch waal European Space Agency) is ein internationaal ruumtevaartsorganisatie wovan de lede oet 22 lenj besjtaon. Dit zeen Uesterriek, Belsj, Tsjechië, Denemarke, Eslandj, Finlandj, Frankriek, Duutslandj, Griekelandj, Hongarije, Ierlandj, Italië, Luxemburg, Nederlandj, Noorwaege, Pole, Portugal, Roemenië, Spanje, Zjwede, Zwitserlandj en 't Verenig Keunikriek. De ESA wirk nej same mit de EU, mer maak dao gein formeel deil van oet. Zoea is Zwitserlandj gein EU-lid, maar waal ESA-lid.^[1]

Vestiginge

't Houfkwarteer van de ESA lik in Paries. Hie wörd euver de programma's en 't beleid besjlis. Boete 't houfkwarteer haet ESA meerdere vestigingen euver meerdere lenj versprèd. Eder van dees haet eige verantjwäördelikhede.

EAC, European Astronauts Centre in Kölle, Duutslandj. Dit centrum verzörg de training van astronaute veur toekomstige missies

ESAC, European Space Astronomy Centre in Villanueva de la Cañada, Spanje. Dit is de basis van de operasjenele centra mit betrekking tót astronemie en planetaire missies.

ESOC, European Space Operations Centre in Darmstadt, Duutslandj is ‘t Vluchleidingscentrum veur de salletiete van de ESA.

ESRIN, ESA Centre For Earth Observation in Frascati, Italië verzameltj, behiert en versjpréd de gegeves van ESA’s sattelieten aan de partners van de ESA en fungeert es informatietechnologiecentrum.

ESTEC, European Space Research and Technology Centre in Noordwijk, Nederlandj is de óntwerpaafdeiling veur de meiste ruumtevaartuuger van de ESA. Auch ESA educatie is hiej gevestigd.

ECSAT, European Centre for Space Applications and Telecommunications in Harwell, Ingelandj.

ESEC European space Security and Education Centre in Redu, Belsj.

Hienaeve haef ESA nog kentoeare in Brussel, Houston, Washington en Moskou. ESA dreug twieë dörde van de koste van ‘t Centre Spatial Guyainais biej. ^[1] ^[2]

Rakette

Veur lanceringe besjik de ESA tengewoordig euver 3 rakette. Dit zeen:

Ariane 5, d’n meist recenten telg oet de Ariane-femilie. Dees raket wörd gelanceerd venaaf Kourou, lengte tót 52 meter, diameter tót 5,4 meter. Ariane-5 ken tót 10 tón lancere in ‘n geostasjenére baan

Vega, ein raket tót 30 meter, diameter 3 meter, is veur ‘t economies in ‘n baan óm de aarde brenge van sateliette van 300 tót 2000kg. D’n ierste lancering vónj plaats op 13 fibberwari 2012

Sojoez: ein veurtzetting van ‘t Sojoezproject van de veurmalige Sovjet-Unie. Dit is ‘t enige Europese ruumtesjeep det minse ken transportere. Sins 2011 ken de Sojoez auch vanaaf Kourou gelanceerd waere, naeve Baikonoer en Plesetsk, in Kazachstan en Röslandj respektievelik. ^[2]

Projecte

Pregramma’s

Externe links

website van de ESA

Referensies

↑ ^1,0 ^1,1 [1]
↑ ^2,0 ^2,1 [2]

[a-1] 1,0 ^1,1 [1]

[b-2] 2,0 ^2,1 [2]

[1]