Alphonse Laveran

De Charles Louis Alphonse Laveran, gebuer den 18. Juni 1845 zu Paräis, an och do den 18. Mee 1922 gestuerwen, war e franséische Medezinner.

Alphonse Laveran
Gebuer	18. Juni 1845 Paräis
Gestuerwen	18. Mee 1922 Paräis
Nationalitéit	Frankräich
Educatioun	Lycée Louis-le-Grand
Aktivitéit	Botaniker, Fuerscher
Member vun	Royal Society, Académie des sciences, Académie nationale de médecine

De Laveran huet sech, no senger Zäit als Militärdokter, mat der Tropekrankheet Malaria an hiren Agent-déclencheure beschäftegt. An Algerien konnt hien 1880 fir d'éischt Kéier am Blutt vu Patienten d'Erreeger isoléieren a beschreiwen.

Spéiderhin huet hie mat villen anere Fuerscher iwwer aner Krankheetserreeger gefuerscht, virun allem iwwer Trypanosomen: fir d'éischt iwwer déi vun Déieren, dono och iwwer déi, déi Krankheete beim Mënsch ausléisen, wéi d'Nagana-, d'Surra- a virun allem och d'Schlofkrankheet.

Hie krut 1907 den Nobelpräis fir Physiologie oder Medezin fir seng Aarbecht unz'erkennen "iwwer d'Roll, déi Eenzeller (Protozoen) als Krankheetserreeger spillen."