Athenaeum Wadsworthense
| Athenaeum Wadsworthense | |
|---|---|
| Constitutum | 1844 |
| Locus | 600 Main Street, Hartfordiae Connecticutae |
| Director | Susanna Lubowsky Talbott[1] |
| Situs interretialis | http://www.wadsworthatheneum.org |
Athnenaeum Wadsworthense[2] est veterrimum museum artis publicum in Civitatibus Foederatis.[3] Cui sunt res maiores picturarum Impressionismi Franciae et artis Civitatum Foederatarum, scaenae Schola Fluminis Hudsoniani, magna opera modernismi, et opera hodierna, cum permultis partibus supellectis primis Americanis et artibus ornantibus.
Museum ad 600 Main Street patet, in proprio aedificio castelli simili media Hartfordia Connecticutae, capite civitatis. Omnis congeries, in 196 000 pedum quadratorum consistens, est maxima talis congeries in Connecticuta conservata.
Structura et quae insunt
[recensere | fontem recensere]Structura ipsa in aedificio primo, castelli simili, et quattuor alis additis consistit. In museo conservantur 50 000 fere rerum, inter quas aera Romana antiqua, Graeca, et Aegyptia; picturae ex aetatibus Renascentiae, Aetatis Barocae, et Impressionistae Francicae et Americanae; fictilia elegantia Francica saeculi duodevicensimi (inter quae res Misniae et Separae); scaenae Scholae Fluminis Hudsoniani; prima vestimenta et ornamenta Americana; prima ars et artefacta historica Afroamericana; et plus. Congeries spatium plus quam 5000 annorum historiae universae comprehendunt.
Vix extra castellum est statua Nathan Hale, ab Enoch S. Woods anno 1899 facta. In proximo, intra Capitolium, est alia sculptura Hales, latius nota, a Bela Pratt facta, exemplum rei originalis, in Universitate Yalensi conservatae.
Primae musei res
[recensere | fontem recensere]Athenaeum ex initio multas occasiones primas habet. Anno 1933, Athenaeum Georgii Balanchine immigrationem ad Civitates Foederatas ab Unione Sovietica sustinuit. Qui mox Scholam Balletae Americanae condidit, quae vicissim Balleta Urbis Novi Eboraci facta est. Balanchine tum instituit ut grex producens Scholae Balletae Americanae primum in Theatro Memoriali Averiensi athenaei Decembri 1934 perfungeretur, interque eius res fuit Serenade, eius prima saltatio in America saltatoribus designata.[4]
Athenaeum fuit primum museum in Civitatibus Foederatia quod res Salvatoris Dali, Balthi, Friderici Church, Michaelis Angeli Caravagii, Petri Mondrian, et multorum aliorum artificum praeclarorum obtinuit. A. Everett "Chick" Austin administrante, prima Americana surrealismi exhibitio in Athenaeo anno 1931, et prima maior artis Picasso exhibitio respiciens in Civitatibus Foederatis anno 1934 habita est.[5] Etiam anno 1934, prima perfunctio universa operae Four Saints in Three Acts Geretrudis Stein et Vergilii Thomson in Athenaeo facta est.
Pinacotheca picturarum ab athenaeo conservatarum
[recensere | fontem recensere]-
Michael Angelus Caravagius, Sanctus Franciscus laetitia gestiens, circa 1595. Oleum in carbaso, 92,5 x 128,4 cm. -
Ioannes Paulus Pannini, Interior pars pinacothecae picturarum cum congerie Silvii Valenti Cardinalis Gonzaga, 1740. -
Fridericus Eduinus Church, Hooker et socii iter facientes per deserta a Plimmuta ad Hartfordiam anno 1636, 1846. -
Paulus Gauguin, Nirvana, imago Iacobi Meyer de Haan, 1890.
Notae
[recensere | fontem recensere]- ↑ Press release
- ↑ Anglice Wadsworth Atheneum. Nomen adiectivum in nomine bacterii Sutterellae wadsworthensis videtur, ex Laboratorio Anaerobico Wadsworthensi (Wadsworth Anaerobe Laboratory) appellato.
- ↑ Bibliotheca et Athenaeum Redwoodianum Portu Novo Rhodensis Insulae anno 1747 conditum est, et museum privatum anno 1750 apertum est. Carolus Willson Peale museum publicum in tabulato altero Curiae Libertatis Philadelphiae Pennsylvaniae anno 1786 aperuit, et tesseram aditialem emptam poposcit. Academia Artium Elegantiorum Pennsylvaniae, Philadelphiae anno 1805 ordinata, suum museum publicum 1806 aperuit, et tesseram aditialem centesimarum viginti quinque poposcit. Museum Pealeanum Baltimorae Terrae Mariae museum publicum anno 1814 factum est.
- ↑ Steichen 2012.
- ↑ [http://www.tnr.com/article/magazine/books-and-arts/106435/barnes-foundation-move-philadelphia-tod-williams-billie-tsien "Jed Perl: The Barnes Foundation's Disastrous New Home," New Republic, 24 Augusti 2012.
Bibliographia
[recensere | fontem recensere]- Steichen, James. 2012. The Stories of Serenade: Nonprofit History and George Balanchine's "First Ballet in America." Working paper 46. Princeton University: Center for Arts and Cultural Policy Studies.
- Martin Pengelly, "Wadsworth Atheneum: oldest public museum in US comes back from brink" in The Guardian (30 Ianuarii 2015)
Nexus externi
[recensere | fontem recensere]
|
Vicimedia Communia plura habent quae ad Athenaeum Wadsworthense spectant (Athenaeum Wadsworthense, Wadsworth Atheneum). |
- Index exhibitionum usitatarum, www.wadsworthatheneum.org
- Situs proprius, www.wadsworthatheneum.org