Diana Kennedy

Diana Kennedy

Res apud Vicidata repertae:

Nativitas: 3 Martii 1923; Lochetuna
Obitus: 24 Iulii 2022; Heroica Zitácuaro
Patria: Britanniarum Regnum

Diana Kennedy, nomine nativo Diana Southwood (Lochetunae^(en) in oppido Essexiae die 3 Martii 1923 nata; Zitácuaro in urbe Mechoacanae mortua die 24 Iulii 2022) fuit scriptrix de re cibaria et praecipue de arte coquinaria Mexicana; de qua re auctoritas principalis vel domina superna censebatur.^[1] Apud alios anthropologa culinaria, a se ethnogastronoma nuncupabatur.^[2] Exsul Britannica tenax et imperans, quinquaginta annos remotissimas "Mexici sui" partes visitabat ut arcanas doctrinas coquinarias apud coquos indigenas instanter requisivisset:^[3] quas deinde libris suis conscribebat.

Filia magistrae ludorum negotiatorisque infortunati, Londinii apud scholam puellarum Hampstead Meridianae educata est. In Anglia silvicultrix sub secundo bello mundano, deinde in Scotia et Canada habitavit. Haitiam anno 1956 visitavit ubi Paulum Kennedy incurrit, diurnarium apud New York Times, cui mox nupsit et cum eo Mexicopoli degit. Ibi de gastronomia Mexicana assidue quaerebat. Paulo cancere affecto, anno 1966 ambo Novum Eboracum petiverunt ubi ille anno insequenti mortem obierit.

Suadente Craig Claiborne mariti collega, Diana vidua artem coquinariam Novi Eboraci in urbe ab anno 1969 docebat. Inter discipulos Francesca McCullough, editrix apud Harper & Row, ad libros culinarios scribendos suadebat. Primum ergo The Cuisines of Mexico, anno 1972 edito, rem fere ignotam lectoribus Americanis descripsit. Recensionibus propitiis receptis, sed aegrotans, The Tortilla Book, magna parte e lectura operis classici Mexicani Iosephinae Velázquez de León^(es) anno 1975 elaboravit.^[4] Ab eadem inspirata, sed ex itineribus inquisitionibusque suis, Recipes from the Regional Cooks of Mexico anno 1978 divulgavit, coquis provincialibus et indigenis ubique nominatim citatis. Hoc opus scriptoribus coquisque Mexicanis dedicatum est, Augustino Aragón Leyva,^[5] Salvatore Novo^(es), Iosephina Velázquez de León necnon aliis.

Mexicum enim anno 1976 rursus petiverat ibique usque ad mortem habitavit: fundum suum (Quinta Diana) prope Zitácuaro ab 1980 construebat ibique laborabat. De suis consuetudinibus coquinariis, non sine anecdotis, anno 1984 in Nothing Fancy et anno 2003 in From My Mexican Kitchen scripsit. Libris posterioribus magis magisque ad gastronomiam regionalem Mexicanam inveniendam et ad usum aliorum recreandam se dicabat, videlicet The Art of Mexican Cooking (1989) et My Mexico (1998) atque praesertim in ultimo opere Oaxaca al gusto, Hispanice primum anno 2008 divulgato, Anglice post duos annos verso. Apud Quinta Diana diurnarii plures eam petivit, quorum sunt qui se querulose, sunt qui liberaliter receptos esse confitebantur. Res primum ab ea inventae de utilibus plantis Mexicanis a Commissione Mexicana de cognitione usuque biodiversitatis registratae sunt.^[6]

• 1972 : The Cuisines of Mexico. Novi Eboraci: Harper & Row; editio recensa 1986 mutuabilis
• 1975 : The Tortilla Book. Novi Eboraci: Harper & Row mutuabilis; editio recensa 1991
• 1978 : Recipes from the Regional Cooks of Mexico. Novi Eboraci: Harper & Row mutuabilis; editio recensa titulo Mexican Regional Cooking, 1984 mutuabilis
• 1984 : Nothing Fancy. Novi Eboraci: Dial Press mutuabilis; editio recensa 2016
• 1989 : The Art of Mexican Cooking. Novi Eboraci: Bantam mutuabilis; Hispanice El arte de la cocina mexicana, 2009 mutuabilis
• 1998 : My Mexico. Novi Eboraci: Clarkson Potter mutuabilis
• 2000 : The Essential Cuisines of Mexico (congeries librorum priorum). Novi Eboraci: Clarkson Potter mutuabilis; Hispanice Cocina esencial de México, 2000 mutuabilis
• 2003 : From My Mexican Kitchen: Techniques and Ingredients. Novi Eboraci: Clarkson Potter mutuabilis
• 2008 : Oaxaca al gusto: El mundo infinito de su gastronomía. San Pedro Garza García, Nuevo León: Plenus (versio Anglica: Oaxaca al Gusto: An Infinite Gastronomy. Austinopoli, 2010 mutuabilis)

• Cynthia D. Bertelsen, "Diana Kennedy" in Victor W. Geraci, Elizabeth S. Demers, edd., Icons of American cooking (Santa Barbara: Greenwood, 2011) pp. 61-78 exemplar mutuabile Inter fontes nostros
• William Booth, "Oaxaca, with rigor" in Washington Post (12 Ianuarii 2011)
• Sian Cain et al., "Diana Kennedy, influential guru of Mexican cuisine, dies at 99" in The Guardian (25 Iulii 2022)
• Tove K. Danovich, "At 93, Diana Kennedy Still Reigns As Mexico's Feistiest Food Expert" (8 Decembris 2016) apud The Salt
• Tara Duggan, "Grande dame of Mexican cuisine" in San Francisco Chronicle: SFGate (9 Augusti 2006)
• Sarah Greenberg, "The Brit who saved Mexican food" in The Observer (12 Octobris 2003)
• William Grimes^(en), "Diana Kennedy, Authority on Mexican Cooking, Dies at 99" in New York Times (24 Iulii 2022)
• Alma Guillermoprieto, "Disappearing Dishes" in New Yorker (19 Augusti 2002) situs venalis
• Tom Jaine, "Diana Kennedy obituary" in The Guardian (27 Iulii 2022) Inter fontes nostros
• Beth Kracklauer, "The Expat: Diana Kennedy" in Saveur (13 Augusti 2012)

Dialogi

• Beth Kracklauer, "The Interview: Diana Kennedy" in Saveur (4 Septembris 2012)
• Joan Nathan, "The Keeper of the Chilies: Part Hermit, Part Crowd Pleaser" in New York Times (24 Iulii 1996)
• I. Peat O'Neil, "Organic in Mexico: A Conversation with Diana Kennedy" in Gastronomica vol. 6 (2006) pp. 25-34 JSTOR"

• El Proyecto: Diana Kennedy: Las raíces de la cocina mexicana apud Commissionem Mexicanam de cognitione usuque biodiversitatis
  • De vita sua
• Eric James Schroeder, "Every Recipe Has a Story": An Interview with Diana Kennedy" apud University of California, Davis: Writing on the Edge
• Mayukh Sen, "The Renowned Diana Kennedy Is Getting Her Own Documentary" (2 Octobris 2017) apud Food 52