Fasti legatorum Syriae

Postquam Syria in formam provinciae a Pompeio anno 63 a.C.n. redacta est viris praetoriis primum tradita est qui nondum consulatum gesserant. Aulus Gabinius primus consularis vir illorum fastorum fuit. Per aliquot annos abhinc qui provinciae Syriae praesidebant proconsules dicebantur.

• Marcus Aemilius Scaurus 63 - 61 a.C.n.^[1], cuius titulus fuit proquaestor pro praetore. (Quaestor Pompei erat ab illo in nova provincia relictus cum Romam profectus est).
• Lucius Marcius Philippus 61 - 60 a.C.n.
• Gnaeus Cornelius Lentulus Marcellinus 59 - 58 a.C.n.
• Aulus Gabinius annis 57 - 54 a.C.n.
• Marcus Licinius Crassus 54 - 53 a.C.n. Quo a Parthis necato quaestor Gaius Cassius provinciam usque ad annum 51 a.C.n. rexit.
• Marcus Calpurnius Bibulus anno 51/50 a.C.n.

• 49-48 a.C.n. Quintus Caecilius Metellus Pius Scipio Nasica, a Pompeianis designatus.
• 47-46 a.C.n. : post Pharsalicam victoriam Gaius Caesar patruelem Sextum Iulium Caesarem provinciae Syriae praefecit. Qui fraude Pompeiani cuiusdam equitis Tyrii latentis, Quinti Caecilii Bassi nomine, per corruptos milites medio anno 46 a.C.n. occisus est. Caecilius et praetoriam dignitatem et provinciam usurpavit.
• 45-44 a.C.n. Gaius Caesar Gaium Antistium Veterem, quaestorem pro praetore, adversus eum misit qui Caecilium Apameae obsidebat. At Parthi auxilio Pompeiano duci venerunt.
• 44/43 a.C.n.Caesar ad Syriam Lucium Staium Murcum ante mortem designavit, qui tamen tyrannicidis favebat. In Syriam profectus mox anno 43 a.C.n. ineunte exercitum et provinciam Gaio Cassio tradidit. Idem fecit et Quintus Caecilius Bassus.
• 43-42 a.C.n. Imperium Gai Cassii in Syria et finitimis provinciis a senatu confirmatum est qui illo tempore Ciceronis sententiam sequebatur atque infestus Marco Antonio erat. Cassius Publium Dolabellam, ad proconsulatum Syriae anno 44 a.C.n. designatum tum cum Antonianae partes rerum Romanarum potiebantur, proelio victum Laodiceae obsedit donec se ipsum necaret^[2].

• Lucius Decidius Saxa anno 41 - 40 a.C.n. a Marco Antonio designatus
• Publius Ventidius Bassus anno 39 - 38 a.C.n. a Marco Antonio designatus
• Gaius Sosius annis 38 - 35 a.C.n. a Marco Antonio designatus
• Lucius Munatius Plancus anno 35 a.C.n. - 34 a.C.n. a Marco Antonio designatus.
• Lucius Calpurnius Bibulus annis 34 a.C.n.-32 a.C.n. a Marco Antonio designatus.̈
• Quintus Didius annis 31 a.C.n. - 30 a.C.n. ab Octaviano designatus
• Marcus Valerius Messalla Corvinus anno 29 a.C.n. - 28 a.C.n. ab Octaviano designatus

Syria provincia Augusto imperatore propter divitias, legiones, pericula Persarum non senatui cencessa, sed sub legatis a se nominatis administrata est. Saepenumero legati et purpuram sumpserunt et imperatores facti sunt, alii successerunt, alii frustra. Syriam, quae anno 194 in provincias Syriam Coelem et Syriam Phoenicem divisa est, inter alios et hi administraverunt:

• Marcus Tullius Cicero (Iunior) 27 a.C.n. - 25 a.C.n.
• Lucius Licinius Varro Murena 24 a.C.n. - 23 a.C.n.
• Potitus Valerius Messala annis 19 a.C.n. - 18 a.C.n.
• Marcus Vipsanius Agrippa annis 17 - 13 a.C.n.
• Marcus Titius annis 13(?) - 10 a.C.n.
• Gaius Sentius Saturninus annis 10 a.C.n. - 7 a.C.n.
• Publius Quinctilius Varus ab anno 6 a.C.n. (usque ad 4 a.C.n.?)
• Publius Sulpicius Quirinius annis 6 - 12
• Quintus Caecilius Metellus Creticus Silanus annis 12/13 - 17
• Gnaeus Calpurnius Piso annis 17 - 19
• Gnaeus Sentius Saturninus (consul suffectus 4) anno 19/20
• Lucius Aelius Lamia anno 22, sed a Tiberio imperatore Romae retentus est.
• Lucius Pomponius Flaccus annis 32 - 34 aut 35
• Lucius Vitellius (consul 34) annis 35 - 39
• Publius Petronius annis 39 - 41
• ̈ Gaius Vibius Marsus annis 42 - 44
• Gaius Cassius Longinus annis 45 - 49
• Gaius Ummidius Durmius Quadratus annis 50 - 60
• Gnaeus Domitius Corbulo annis 60 - 63
• Gaius Cestius Gallus (consul 42) annis 63 - 67
• Gaius Licinius Mucianus anno 64 - 67
• Titus Flavius Vespasianus annis 67 - 69, cum imperator factus est.
• Lucius Iunius Caesennius Paetus annis 70 - 73
• Aulus Marius Celsus anno 73/74
• Lucius Ceionius Commodus 78/79 - 81/82
• Publius Valerius Patruinus annis 87 - 90
• Aulus Bucius Lappius Maximus anno 91
• Marcus Cornelius Nigrinus Curatius Maternus annis 95 - 97
• Gaius Octavius Tidius Tossianus Lucius Iavolenus Priscus annis 98/99 - 99/100
• Publius Manilius Vopiscus Vicinillianus circa annum 100
• Gaius Antius Aulus Iulius Quadratus annis 100 - 104
• Aulus Cornelius Palma Frontonianus annis 104 - 108
• Lucius Fabius Iustus annis 108/109 - 112
• Gaius Iulius Quadratus Bassus annis 115/117
• Publius Aelius Traianus Hadrianus anno 117, qui 11 Augusti eius anni Antiochiae imperator factus est.
• Marcus Pontius Laelianus Larcius Sabinus annis 150 - 154
• Avidius Cassius annis 166 - 175, qui coniurationem fecit contra Marcum Aurelium imperatorem
• Publius Martius Verus annis 175 - 178
• Gaius Aufidius Victorinus annis 177 - 179
• Publius Helvius Pertinax anno 179/180
• Gaius Domitius Dexter circa annum 183
• Pescennius Niger annis 191 - 193, qui eo anno purpuram sumpsit

E. Dabrowa, The Governors of Roman Syria from Augustus to Septimius Severus, Habelt, 1998