Mahmud Ahmadinejad
| Mahmud Ahmadinejad محمود احمدینژاد-- | |
|---|---|
 | |
| Prèsidhén Iran kaping 6 | |
| Linggih 3 Agustus 2005[1] – 3 Agustus 2013 | |
| Wakil Présidhèn | Parviz Davoodi |
| Pangarep | Ali Khamenei |
| Kang sadurungé | Muhammad Khatami |
| Kang sawisé | Hassan Rouhani |
| Rerincèn dhiri | |
| Lair | Oktober 28, 1956 Aradan, Iran |
| Bangsa | Iran |
| Parté pulitik | Perhimpunan Insinyur Islam |
| Agama | Islam Singah |
Mahmud Ahmadinejad utawi saged dipunwaos Ahmadinezhad (basa Pèrsi: محمود احمدینژاد ; lair ing Aradan, Iran, 28 Oktober 1956; umur 68 taun [2][3]) inggih punika Présidhèn Iran kaping enem ingkang pikantuk 61.91% swanten pamilih nalika Pamilian Prèsidhén Iran tanggal 24 Juni 2005.[3] Jabatan krèsidhénanipun dipunwiwiti tanggal 3 Agustus 2005.[1] Panjenenganipun naté njabat dados walikota Teheran wiwit 3 Mèi 2003 ngantos dumugi 28 Juni 2005 nalika panjenenganipun kapilih dados Présidhèn Iran.[2] Panjenenganipun misuwur minangka satunggalipun tokoh konservatif ingkang manut sanget kaliyan nilé-nilé Révolusi Islam Iran, 1979.[1]
Biografi
[besut | besut sumber]Kulawargi
[besut | besut sumber]Mahmud Ahmadinejad miyos ing désa Aradan, caket Garmsar, kinten-kinten tebihipun 120 kilométér saking Teheran. Panjenenganipun punika putra kaping sekawan saking sadhèrèk cacah pitu, lan saking kulawarga Islam Singah.[2] Tiyang sepuhipun punika tukang wesi, Ahmad Saborjihan, maringi nama Mahmud Saborjihan nalika nembé miyos.[2] Panjenenganipun ngagem nama punika ngantos dumugi ing satunggalipun wekdal kulawarginipun pindhah dhateng Teheran nalika pratengahan taun 1950-an.[2] Ing Teheran, ramanipun nggantos namanipun dados Mahmud Ahmadinejad minangka pratandha réligiusitas lan semangat pados pagesangan ingkang langkung saé malih, amargi nama Saborjihan ing basa Parsi gadhah teges tukang nglukis karpet, satunggalipun profési ingkang kathah wonten ing séntra karpét kados ing laladan Aradan, manawi nama Ahmadinejad punika gadhah teges ras ingkang pinunjul, wicaksana, lan sampurna.[2]
Pendidikan
[besut | besut sumber]Mahmud Ahmadinejad lulus saking Universitas Sains lan Teknologi Iran (IUST) kanthi gelar dhoktor ing babagan téknik lan parencanaan lalu lintas lan transportasi.[2] Nalika taun 1980, panjenenganipun dados pangarsanipun perwakilan IUST kanggé pakempalan mahasiswa, lan ndhèrèk terlibat ing madhegipun Kantor kanggé manunggalipun Iran (pratélan-e tahkim-e vahdat), organisasi mahasiswa ingkang dados dhalang pangrebutan Kedubes Amérikah Sarékat.[2]
Sekutonan kaliyan Imam Khomeini
[besut | besut sumber]Nalika mangsa Perang Iran-Irak, Ahmedinejad ndhèrèk nggabung / sekutonan kaliyan Korps Pengawal Revolusi Islam ing taun 1986. Panjenenganipun ndhèrèk ing misi-misi ing Kirkuk, Irak. Panjenenganipun lajeng dados insinyur kepala wadyabala kaenem Korps lan kepala staf Korps sisih kilenipun Iran. Sasampunipun perang, panjenenganipun gadhah tugas minangka wakil gubernur lan gubernur Maku lan Khoy, Penaséhat Mantri Kebudayaan lan Ajaran Islam, lan gubernur provinsi Ardabil saking 1993 ngantos Oktober 1997.
Pranala njawi
[besut | besut sumber]- Situs resmi Presiden Iran
- (ing basa Prancis)Cithakan:Fa(ing basa Arab) Blog pribadi Archived 2007-10-03 at the Wayback Machine.
- Profil ing BBC
- Profil ing ANTARA
- Kandidat pemilu Iran: Mahmoud Ahmadinejad Archived 2005-11-23 at the Wayback Machine.
- "Tokoh Konservatif Menang di Iran" Archived 2007-09-29 at the Wayback Machine., KOMPAS
- Presiden Iran Ngeblog Juga Archived 2007-09-28 at the Wayback Machine.
Cathetan suku
[besut | besut sumber]- ↑ a b c Ahmadinejad Resmi Presiden Iran. Sriwijaya Pos, 7 September 2011
- ↑ a b c d e f g h LABIB, Muhsin; MUHARAM, Ibrahim; KAZHIM, Musa; HAMZAH, Alfian. AHMADINEJAD! David di Tengah Angkara Goliath Dunia. Jakarta: Penerbit Hikmah, 2006. ISBN 979-1140-05-7
- ↑ a b Mahmoud Ahmadinejad di globalsecurity.org diakses pada 7 September 2011
| Artikel iki minangka artikel rintisan. Kowé bisa ngéwangi Wikipédia ngembangaké. |