Blasius Pujaraharja
Mgr. Blasius Pujaraharja (lair ing Gamping, Sleman, Daerah Istimewa Yogyakarta, 12 Juni 1935; umur 89 taun) yaiku Uskup Emeritus Ketapang sawise makarya awit didhapuk ing tanggal 15 Maret 1979 tumeka 25 Juni 2012, nalika Mgr. Pius Riana Prapdi kadhapuk minangka panerusé.
| Mgr. Blasius Pujaraharja | |
|---|---|
| Uskup Emeritus Ketapang | |
| Gréja | Gereja Katolik Roma |
| Keuskupan | Ketapang |
| Didhapuk | 15 Maret 1979 (45 taun, 245 dina) |
| Term ended | 25 Juni 2012 (12 taun, 143 dina) |
| Sadurungé | Gabriel Willem Sillekens, C.P. |
| Diterusaké | Pius Riana Prapdi |
| Ordo | |
| Penobatan | 8 September 1961[1] (63 taun, 68 dina) |
| Penahbisan | 17 Juni 1979 (45 taun, 151 dina) dening Kardinal Justinus Darmojuwono |
| Detil pribadhi | |
| Jeneng lair | Blasius Pujaraharja |
| Lair | Juni 12, 1935 Gamping, Sleman, Daerah Istimewa Yogyakarta |
| Kabangsan |  Indonesia |
| Denominasi | Katolik Roma |
| Singgasana | Gamping Lor, Sleman[2] |
| Sesanti | "In fractione panis" (Dalam pemecahan roti) |
Latar wuri
besutPujaraharja lahir taun 1935 ing Sleman. Samongsa isih bocah, dhèwèké duwé gegayuhan péngin dadi dokter.[3]
Dhèwèké lumebu pawiyatan calon imam ing Seminari Menengah Santo Petrus Canisius, Mertoyudan, Magelang. Nanging sawisé telung sasi, Puja dibalèkke amarga anané cengkah karo tentara Walanda.
Pakaryan
besutPujaraharja ditahbisaké minangka imam diosesan Keuskupan Agung Semarang tanggal 8 Sèptèmber 1961 déning Mgr. Albertus Soegijapranata, S.J., ing Gereja Hati Santa Perawan Maria Tak Bercela, Kemetiran, Yogyakarta. Nalika iku, sing uga ditahbisake yaiku Mgr. Valentinus Kartosiswoyo.
Sawisé ngrampungke pawiyatan calon imam di Seminari Tinggi St Paulus Kotabaru Yogyakarta taun 1961, Pujaraharja kajibah dadi pastor pambiyantu ing Paroki St. Theresia Lisieux, Boro, Kulonprogo, Daerah Istimewa Yogyakarta. Setaun sabanjuré, ngalèh saperlu ngisi kalodhangan ing Paroki St. Maria Tak Bercela, Nanggulan, Kulon Progo nganti taun 1965. Telung sasi sadurungé Gerakan 30 Sèptèmber, Puja napa panugasan ing Paroki St. Yosep Medari, Sleman, Yogyakarta. Dhèwèké uga ngrangkep minangka Pastor Paroki St Aloysius Gonzaga Mlati sejak tahun 1970 hingga 1971.
Ngalihé Pujaraharja ing Paroki St. Yusuf, Bintaran, Yogyakarta saka taun 1971 tumeka taun 1978 nglumantaraké ing pakaryan liyané antarané minangka Vikaris Episkopal kanggo Daerah Istimewa Yogyakarta, anggota Dewas Konsultores Keuskupan Agung Semarang, anggota Panitia Pastoral Perkawinan KAS, anggota Dewan Penyantun Sekolah Tinggi Filsafat Teologi St Paulus Kentungan, Pangarsa Unio KAS, lan Ketua IKHAR DIY, sarta nyulihi KAS dadi pangurus ing Yayasan Rumah Sakit Panti Rapih, Yogyakarta. Seka taun 1974 tumeka 1975, puja nerusaké pawiyatan ing Bèlgi.
Taun 1978, Pujaraharja nglakoni pakaryan ing Ketapang, Kalimantan Barat minagka misionaris domestik. Ing kana, dhèwèké leladi ing Pastor Paroki Katedral St Gemma Galgani ngrangkep minangka Vikaris Jenderal. Tanggal 15 Maret 1979, Pujaraharja kadhapuk minangka Uskup Ketapang, nerusaké pakaryané Mgr. Gabriel W. Sillekens, C.P.. Tanggal 17 Juni 1979, dhèwèké ditahbisaké minangka Uskup déning Kardinal Justinus Darmojuwono, Uskup Agung Semarang, kairing Uskup Agung Pontianak Mgr. Hieronymus Herculanus Bumbun, O.F.M. Cap. lan Uskup Agung Makassar, Mgr. Theodorus Lumanauw.
Tanggal 22 Agustus 1997, Mgr. Pujaraharja kajibah dadi Uskup Ko-konsekrator bareng Uskup Agung Tituler Bellicastrum uga Nuncio Apostolik kanggo Indonesia, Mgr. Pietro Sambi, ing adicara panahbisan Mgr. Ignatius Suharyo minangka Uskup Agung Semarang. Kardinal Julius Darmaatmadja, S.J. dadi Uskup Penahbis Utama.
Pujaraharja pensiyun ing tanggal 25 Juni 2012 minangka Uskup Ketapang, lan diterusaké déning Mgr. Pius Riana Prapdi. Ing adicara panahbisan Mgr. Prapdi pada 9 September 2012, Mgr. Pujaraharja kajibah minangka Uskup Penahbis Utama, kairing Uskup Ko-konsekrator yaiku Uskup Agung Pontianak, Mgr. Hieronymus Herculanus Bumbun, OFM Cap. lan Uskup Agung Semarang, Mgr. Johannes Pujasumarta.[4]
Rujukan
besut- ↑ "Catholic Hierarchy". Dibukak ing 8 Fèbruari 2013.
- ↑ "Archive copy". Diarsip saka sing asli ing 2016-08-19. Dibukak ing 2019-05-24.
{{cite web}}: CS1 maint: archived copy as title (link) - ↑ "Mgr Blasius Pujaraharja: Imamat dan Misteri Panggilan". Majalah Hidup. 3 Novèmber 2011. Diarsip saka sing asli ing 2016-08-19. Dibukak ing 29 Juli 2016.
- ↑ Agustinus Handoko (2012-09-09). "Mgr Pius Riana Prapdi Ditahbiskan Jadi Uskup Ketapang". Kompas. Dibukak ing 2012-09-09.