238

238 (CCXXXVIII í rómverskum tölum) var 38. ár 3. aldar sem hófst á mánudegi samkvæmt júlíska tímatalinu. Í Rómaveldi var árið þekkt sem ræðismannsár Píusar og Pontíanusar, eða (sjaldnar) sem árið 991 ab urbe condita.

Atburðir

Maximinus Thrax hélt í hernað gegn Karpíönum í Móesíu.
22. mars - Íbúar rómversku Afríku gerðu uppreisn gegn Maximinusi og hinn aldraði Gordíanus 1. tók við embætti Rómarkeisara ásamt syni sínum, Gordíanusi 2.
12. apríl - Orrustan um Karþagó (238): Herlið Maximinusar réðist inn í Afríku frá Númidíu ásamt Legio III Augusta. Gordíanus 2. var drepinn eftir 36 daga umsátur og Gordíanus 1. hengdi sig með belti sínu.
22. apríl - Ár keisaranna sex: Rómverska öldungaráðið lýsti Maximinus útlægan og útnefndi Pupienus og Balbinus sem keisara.
Maí - Umsátrið um Aquileia: Maximinus réðist gegn rómversku borginni Aquileia, en her hans var illa haldinn vegna hungurs og veikinda. Hermenn hans úr Legio II Parthica myrtu hann að lokum í tjaldi hans.
29. júní - Pretóríuvörðurinn réðist inn í keisarahöllina í Róm og handtók Pupienus og Balbinus. Þeir voru dregnir naktir um götur Rómar og að lokum teknir af lífi. Sama dag var Gordíanus 3. lýstur keisari, 13 ára gamall.
Gotar réðust yfir Dóná og herjuðu á Rómaveldi að landamærum Anatólíu.
Herdeildin Legio III Augusta í Afríku var leyst upp.
Sima Yi drap herstjórann Gongsun Yuan í Liaodong-herförinni.