Katolik eklezio
| Katolik eklezio | |
| |
| Fondinto | Kristo |
| Deajo | Deo la Patro, Iesu Kristo e la Santa Spirito |
| Chefo | Papo Franciskus |
| Tipo | Kristanismo |
| Nomo e nombro di sequanti | Katoliki, 1 229 milioni |
| Kanonala Skribaji | Biblo |
Katolik eklezio esas l'eklezio kristana kun la maxim granda nombro di adepti en la mondo. Ol konsistas ek 24 separata eklezii, di qui omni agnoskas la papo, qua ank esas l'episkopo di Roma, kom sucedanto dil apostolo Petrus (Santa Petrus) e chefo di omna katolika episkoparo. Un ek ca singulara eklezii, nomizita "Eklezio Katolika Romana", esas ocidentala - to esas , originis en l'anciena Westala Romana Imperio, kontre ke l'altri esas orientala - to esas, originis en l'Estala Romana Imperio. Lua maxim multa adepti rezidas en Europa, Amerika e Central Afrika.
Nomo
redaktarLa Greka vorto καθολικός (katholikos) signifikas "universala" o "generala" ed equivalas καθόλου (katholou), kontrakto dil frazo κατὰ ὅλου (kata holou), "segun la tutajo". Komence la vorto uzesis por deskriptar l'Eklezio dum la frua 2ma yarcento . Pos l'Orientala-ocidentalalala Skismo di 1054, l'eklezii qui restis en komuneso kun la Roma Katedro (la diocezo di Roma e lua episkopo, la Papo, la chefo-patriarko) divenis konocita kom "katolika", dum ke l'Orientala eklezii qui ne aceptis l'autoritato dil Papo ordinare konocesas kom "Ortodoxa". Pos la Reformo en la 16ma yarcento, l'Eklezio "en komuneso kun l'Episkopo di Roma" uzis la termino "katoliko" por distingar su mem dil diversa protestanta grupi qui disvergis di ol. La nomo "katolika eklezio" aparas en la titulo dil Katekismo dil katolika eklezio. Ol esas anke la termino qua uzis Paulus la 6ma che la subskribo dil dek-e-ses dokumenti dil Duesma Vatikana Koncilio.
La nomo "katolika" esas tamen uzata anke de altra Eklezii, chefe ortodoxi, qua ne aceptas l'uzo nur por ti en komunio kun la Santa Katedro di Roma. Konseque, la vorto "Roma" esas plu preciza e klara. Katolika Eklezio uzas mem la vorto "Roma" en diversa dokumenti, quale l'encikliki Divini Illius Magistri da Pius la 11ma e la Humani generis da Pius la 12ma; komuna deklari subskribita dal Papo Benedictus la 16ma kun Chefo-episkopo de Canterbury Rowan Williams ye la 28ma di novembro 2006 e Patriarko Bartolomeo 1ma ek Konstantinopolo ye la 30ma di novembro 2006, e de certa episkopala konferi. En la Katekismo dal Papo Pius la 10ma l'Eklezio esas nomizita "Romana".
La vorto Roma tamen esas foye ambigua, nam ol esas ofte uzata striktasence por la Katolika Latina Eklezio (latina rito), por distingar ol di l'Orienta katolika eklezii.