Jump to content

Ruegys Rooshagh er yn Ookraan

Edit links
Ass Wikipedia.
Aavriwnys veih 23:41, 11 Averil 2024 ec MacTire02 (resoonaght | cohortyssyn)
(anch) ← Aavriwnys ny shinney | Aavriwnys s’noa (anch) | Aavriwnys ny saa→ (anch)
     Fo stiurey ec yn Ookraan     Fo cummaltys ec y Roosh as forseyn currit rish y Roosh
(Jeeagh er neesht: Caslys-çheerey cruinn y Chaggey Rooshagh-Ookraanagh)
Thie arasaneyn ayns Kyiv va bwoaillit liorish tilgane Rooshagh er 26 Toshiaght Arree

Ta Ruegys Rooshagh er yn Ookraan çheet er taghyrtyn 24 Toshiaght Arree 2022, as ny yei tra ren y Roosh soiaghey as ruegys lheeadagh er yn Ookraan, e nabooys sheear yiass voish y Roosh. She mooadaghey mooar 'sy Chaggey Rooshagh-Ookraanagh ghow toshiaght ayns 2014.

Roish y ruegys, haghyr bolgey cahnagh mastey ny forseyn Rooshagh ayns 2021 lheah. Car y volgee shen, ren eaghtyrane y Roosh, Vladimir Putin, cremey mooadaghey Reagheydys Chonaant yn Atlantagh Hwoaie voish y vlein 1997 myr baggyrt da sauçhys e heer as ren eh aggyrtagh leighyn y chur ayn son lhiettrimys y chur er çheet stiagh yn Ookraan 'sy chochaarjys cahnagh. Chammah as shen, ren eh cur magh reayrtyn as barelyn mychione mooadaghey yn Roosh.[1] Er 21 Toshiaght Arree 2022, ren y Roosh cur enney oikoil da Pobblaght Heayagh Donetsk as Pobblaght Heayagh Luhansk, daa steat hene-ogrit scarree ayns ard Donbas 'syn Ookraan Hiar, as hiaull eh sidooryn dys ny thallooyn shen. Laa ny lurg, ren y Choonseil Chonastagh Rooshagh lesh un aigney cur kied da Putin ny forseyn cahnagh y ymmyd çheumooie jeh joaraghyn y Roosh.

Mysh 05:00 EET (UTC+2) er 24 Toshiaght Arree, ren Putin fograghey magh "obbraid chahnagh er lheh"[2][3] 'syn Ookraan hiar; minnidyn ny lurg, hoshee tilganeyn bwoalley buill harrish yn Ookraan, goaill stiagh y preeu-valley, Kyiv. Dooyrt Shirveish Arrey Joarrey Steat ny h-Ookraan dy row nyn staagyn joarree rish y Roosh as y Velaroosh soit er.[4][5] Daa oor ny s'anmey, ren forseyn thalloo Rooshagh goll tessen ny joaraghyn stiagh 'sy çheer.[6] Ren yn eaghtyrane Ookraanagh, Volodymyr Zelenskyy, freggyrt liorish slattyssaghey leigh chaggoil, brishey kianglaghyn diploamagh, as ren eh oardaghey cogherrym cadjin. Ren y ruegys feddyn deyrey eddyr-ashoonagh lheeadagh, goaill stiagh lhiettrimyssyn va currit er y Roosh, as va ymmodee deiney goit fo ghlass ayns çhionnraaghyn 'sy Roosh hene.[7][8]

Va soiaghyn yl-ghahagh shiaullit voish y Roosh, y Velaroosh as y daa halloo cummaltit 'syn Ookraan (y Chrimeea as Donbas). Dirree kiare areenaghyn mooarey magh: areeney Kyiv, yn areeney hiar hwoaie, yn areeney hiar as yn areeney yiass. Ta ny forsaghyn Rooshagh er n'ymmyrkey magh bwoallaghyn aer as tilgane foddey stiagh 'syn Ookraan heear. Ta forsaghyn Rooshagh er roshtyn ny er çhionney stiagh er baljyn mooarey ogheragh, goaill stiagh Chernihiv, Kharkiv, Kherson, Kyiv, Mariupol, as Sumy,[9] agh t'ad er roshtyn shassoo lajer Ookraanagh nyn oi as er gennaghtyn doilleeidyn losteeagh as obbraidagh ta jannoo lhiettrimys er y ghleashaght oc.[10][11] Tree shiaghtyn lurg tosheeaght y ruegys, va ny smoo rah ec ny forsaghyn Rooshagh 'sy jiass ga nagh row rah oc ayns buill elley. Rere y dolley rah oc ayns buill elley, ta ny forsaghyn Rooshagh er doltey strateysh scryssey magh, as mooarane dy ghuintee hivoilagh myr eiyrtys.[12] V'eh currit sheese er y ruegys myr y ruegys cahnagh cadjinchliaghtit smoo 'syn Oarpey voish y Nah Chaggey Dowanagh.[13]

Imraaghyn

[reagh | edit source]
  1. ↑ "Russia's invasion of Ukraine" (26 Toshiaght Arree 2022). 
  2. ↑ "Специальная военная операция по защите ДНР и ЛНР. День третий. Онлайн" (ayns Rooshish). 26 Toshiaght Arree 2022.{{cite web}}: CS1 maint: çhengey gyn enney (link)
  3. ↑ "Putin's invasion of Ukraine, explained" (ayns Baarle). Vox. 26 Toshiaght Arree 2022.{{cite web}}: CS1 maint: çhengey gyn enney (link)
  4. ↑ "Russia attacks Ukraine". CNN. 24 Toshiaght Arree 2022. Er ny hashtey veih’n lhieggan bunneydagh er 24 Toshiaght Arree 2022. Feddynit magh er 24 Toshiaght Arree 2022.
  5. ↑ "Украинские пограничники сообщили об атаке границы со стороны России и Белоруссии" (ayns Russian). Interfax. 24 Toshiaght Arree 2022. Er ny hashtey veih’n lhieggan bunneydagh er 24 Toshiaght Arree 2022. Feddynit magh er 24 Toshiaght Arree 2022.
  6. ↑ "Why is Russia invading Ukraine and what does Putin want?", BBC News (24 Toshiaght Arree 2022). 
  7. ↑ Morin, Rebecca (24 Toshiaght Arree 2022). "World leaders condemn Russian invasion of Ukraine; EU promises 'harshest' sanctions – live updates". USA Today. Er ny hashtey veih’n lhieggan bunneydagh er 24 Toshiaght Arree 2022. Feddynit magh er 24 Toshiaght Arree 2022.
  8. ↑ Stewart, Briar; Seminoff, Corinne; Kozlov, Dmitry (24 Toshiaght Arree 2022). "More than 1,700 people detained in widespread Russian protests against Ukraine invasion". CBC News. Er ny hashtey veih’n lhieggan bunneydagh er 24 Toshiaght Arree 2022. Feddynit magh er 24 Toshiaght Arree 2022.
  9. ↑ Beaumont, Peter (8 Mayrnt 2022). "Focus on Kyiv deadlock obscures Russia's success in south Ukraine". 
  10. ↑ Sabbagh, Dan (8 Mayrnt 2022). "Russia 'solving logistics problems' and could attack Kyiv within days – experts". 
  11. ↑ "'A serious failure': scale of Russia's military blunders becomes clear", Financial Times (12 Mayrnt 2022). 
  12. ↑ "Ukraine war in maps: Tracking the Russian invasion", BBC News (20 Mayrnt 2022). 
  13. ↑ Herb, Jeremy; Starr, Barbara; Kaufman, Ellie (24 Toshiaght Arree 2022). "US orders 7,000 more troops to Europe following Russia's invasion of Ukraine". CNN. Russia's invasion of its neighbor in Ukraine is the largest conventional military attack that's been seen since World War II, the senior defense official said Thursday outlining US observations of the unfolding conflict.
Feddynit ass "https://gv.wikipedia.org/w/index.php?title=Ruegys_Rooshagh_er_yn_Ookraan&oldid=329358"