Politickaght

Ta politickaght çheet er obbraghey raad dy vel possanyn deiney jannoo briwnyssyn. Ta'n enmys currit er ymmyrkey bea ayns reiltyssyn theayagh dy cadjin, agh ta politickaght ry akin ayns dagh eddyr-obbraghey possanagh deiney, goaill undinyssyn colughtagh, ynsee as craueeaghtagh stiagh. T'ee jeant seose jeh "mooinjeryssyn sheshoil goaill stiagh eaghtyrys ny cummaght"^[1] as t'ee çheet er reirey unnid politickagh,^[2] as er ny saaseyn as barteeaghtyn ta ymmydit dys polasee dy chur ayns focklyn ny dy chur ayns bree.^[3]

Ta'n fockle "Politickaght" çheet magh ass y fockle Greagish πολἰς ("polis") as eh çheet er steat baljagh. Ta'n fockle Greagish πολίτἰκος "Politikos" jannoo cur sheese er dagh red ta kianglt rish cooishyn y valley ny yn steat. Ayns Ladjyn, va'n fockle er enney myr "politicus" as myr "politique" ayns Frangish. Haink er er enney myr "politics" ayns Baarle Veanagh, as myr "politickaght" ayns Gaelg ny yei.