Baarle Vanninagh
She Baarle Vanninagh ny Baarle Ghaelgagh (Baarle: Manx English ny Manks English ny Anglo-Manx) yn abbyrt hendeeagh jeh'n Vaarle ta goll er loayrt ayns Mannin, ga dy vel eh failleil jiu. Shimmey eeasaght t'eck voish y Ghaelg, as s'moo yn anchaslys t'eck neughollrish sorçhyn elley jeh'n Vaarle, goaill stiagh abbyrtyn y Vaarle raad ta çhengaghyn Celtiagh goll er loayrt ny raad va çhengaghyn Celtiagh loayrit ayns ny shenn laaghyn, lheid as Baarle Vretnagh as Baarle Yernagh.
| Baarle Vanninagh | ||
|---|---|---|
| Manx English | ||
| Goll er loayrt ayns | Mannin | |
| Earroo loayreyderyn | Gyn fys | |
| Kynney çhengey | Ind-Oarpagh | |
| Staydys oikoil | ||
| Çhengey oikoil ayns | gyn staydys oikoil | |
| Fo stiurey ec | stiureyder erbee | |
| Coadyn çhengey | ||
| ISO 639-1 | en | |
| ISO 639-2 | - | |
| ISO 639-3 | - | |
| Nodyn: Foddee vel cowraghyn sheeanagh ASE ayns Unicode er yn duillag shoh. | ||
Ghow yn Vaarle Vanninagh focklyn jeh bun Gaelgagh as Loghlynagh, agh haink urree dy ve cleaynit fo cummaght Lerphoyll as Lancashire ayns Sostyn Heear Hwoaie. Ren y screeudeyr shennaghys as y çhengoayllee Arthur William Moore screeu nagh row anchaslys mooar 'syn abbyrt voish skeerey dys skeerey as dy row ny h-abbyrtyn as y sthock focklyn gollrish y cheilley er feie'n ellan. Ta A Vocabulary of the Anglo-Manx Dialect (Oxford University Press, 1924) liorish Moore as Manx Dialect Words and Phrases (J.W. Arrowsmith, 1934) liorish W. Walter Gill cur sheese dy mooar er yn abbyrt.
She yn feelee T. E. Brown va fer jeh ny chied ughtaryn screeu 'sy Vaarle Vanninagh 'syn obbyr echey.
'Sy 20oo eash, va daanyn as cloiaghyn screeuit 'syn abbyrt liorish Cushag, J. J. Kneen, Christopher R. Shimmin as Juan Noa. 'Sy 20oo eash veanagh, screeu Kathleen Faragher daanyn 'syn abbyrt.
Kyndagh rish yn arraghey stiagh as cummaghtyn cultooragh voish buill elley cur dy mooar er yn abbyrt as sorçh dy chormaghey abbyrt taghyrt, focklyn as abbyrtyn er lheh er lhimmey.