Capela dos Medici

Panorámica da cúpula da *Capella dei Principi* domina o complexo arquitectónico de San Lourenzo.

A Capela dos Medici (Cappelle medicee en italiano) na Basílica de San Lourenzo de Florencia comprende dúas estruturas engadidas ao deseño orixinal de Brunelleschi. Actualmente é un museo estatal de Florencia e lugar de sepultura da familia Medici, celebrando amais o poder dos Medici como grandes duques de Toscana. A Sagrestia Nuova (Sacristía Nova) foi deseñada por Michelangelo. A Capella dei Principi (Capela dos Príncipes), dos séculos XVI e XVII, está totalmente cuberta cun revestimento de mármore coloreado incrustado con pietra dura.