Híades (cúmulo aberto)

Híades (Ὑάδες en grego) é un cúmulo aberto localizado na constelación de Taurus. As súas estrelas máis brillantes forman un "V" oblicuo arredor da gran xigante Aldebaran (α Tau), a estrela máis brillante no campo visual, mais que non forma parte deste cúmulo.

Historia

Como un cúmulo visible a simple vista xa se coñecía na prehistoria. Mencionounas Homero no 750 a.C. e Hesíodo no 700 a.C. Probablemente catalogouno pola primeira volta Giovanni Batista Hodierna en 1654 e Lewis Boss en 1908 foi o primeiro en demostrar que o conxunto de estrelas formaban un cúmulo. Charles Messier usou táboas estelares que incluían e etiquetaban as Híades, pero non as agregou no seu famoso catálogo.^[1]

Características principais

As Híades encóntranse a 151 anos luz de distancia, o que as converte no cúmulo estelar máis próximo á Terra. Consta de 80 estrelas situadas nunha esfera de 12 parsecs de diámetro, o seu centro está a 37 parsecs da Terra. Mentres o cúmulo ten cerca de 75 anos luz de diámetro, o prominente grupo central posúe case 10 anos luz de diámetro. O seu diagrama Hertzsprung-Russell amosa que as Híades teñen unha idade de 625 ± 50 millóns de anos..^[2] Formáronse probablemente da mesma nube que o cúmulo de Praesede (M44).^[1]

Principais membros

Nome	Denominación de Bayer	Magnitude aparente	Tipo espectral	Notas
	Theta2 Tauri	3,41	A7III
Ain	Épsilon Tauri	3,54	G9.5III	Posúe un planeta extrasolar
Hyadum I	Gamma Tauri	3,65	K0III
Hyadum II	Delta1 Tauri	3,76	K0III
	Theta1 Tauri	3,85	K0IIIb

Fonte: Base de datos SIMBAD

En dúas das estrelas do cúmulo (79 Tauri e HD 28226), o exceso de emisión infravermella suxire a presenza dun disco circunestelar de poeira.^[3]

Notas

↑ ^1,0 ^1,1 "Información das Híades en SEDS". Arquivado dende o orixinal o 16 de maio de 2008. Consultado o 06 de novembro de 2016.
↑ Perryman, M.A.C., al. (1998). "The Hyades : distance, structure, dynamics, and age". Astronomy & Astrophysics 331. pp. 81–120.
↑ Cieza, Lucas A.; Cochran, William D.; Augereau, Jean-Charles (2008). "Spitzer Observations of the Hyades : Circumstellar Debris Disks at 625 Myr of Age". The Astrophysical Journal. pp. . 720–731.

[seds-1] 1,0 ^1,1 "Información das Híades en SEDS". Arquivado dende o orixinal o 16 de maio de 2008. Consultado o 06 de novembro de 2016.

[2] Perryman, M.A.C., al. (1998). "The Hyades : distance, structure, dynamics, and age". Astronomy & Astrophysics 331. pp. 81–120.

[3] Cieza, Lucas A.; Cochran, William D.; Augereau, Jean-Charles (2008). "Spitzer Observations of the Hyades : Circumstellar Debris Disks at 625 Myr of Age". The Astrophysical Journal. pp. . 720–731.

[1]