Walt Frazier

Walt Frazier

(2020)
Biografía
Nacemento	29 de marzo de 1945 (79 anos) Atlanta, Estados Unidos de América
Residencia	Atlanta
Educación	Southern Illinois University Carbondale (en) David T. Howard High School (en)
Altura	193 cm
Peso	93 kg
Actividade
Ocupación	baloncestista, actor
Período de actividade	1967 - 1980
Membro de	Alpha Phi Alpha
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Base
Convocado por	New York Knicks
Traxectoria   Equipo – Cleveland Cavaliers 1964–1967 Southern Illinois Salukis men's basketball 1967–1977 New York Knicks (Base)
Premios
(1975)  Equipo All-NBA (1975)  Mellor quinteto defensivo da NBA (1975)  Premio Kobe Bryant ao MVP do All-Star Game da NBA (1974)  Mellor quinteto defensivo da NBA (1974)  Equipo All-NBA (1973)  Mellor quinteto defensivo da NBA (1972)  Equipo All-NBA (1972)  Mellor quinteto defensivo da NBA (1971)  Mellor quinteto defensivo da NBA (1970)  Mellor quinteto defensivo da NBA (1970)  Equipo All-NBA (1969)  Mellor quinteto defensivo da NBA (1968)  equipo All-Rookie da NBA

Walter "Clyde" Frazier, nado en Atlanta (Xeorxia) o 29 de marzo de 1945, foi un xogador de baloncesto estadounidense da década dos 70. Xogou durante 13 tempadas na NBA, dez delas para os New York Knicks. Na actualidade é comentarista deportivo para a televisión.

Logo dunha existosa carreira coma xogador no seu instituto, tivo difícil elixir universidade no seu estado de nacemento, Xeorxia, debido á segregación racial que naquela época marcaba a política de universidades coma Georgia Tech ou outras universidades do sur, que non admitían alumnos afroamericanos. Tivo que trasladarse ao estado de Illinois para poder competir alí na pequena Universidade de Southern Illinois, da II División da NCAA. Promediou, en dúas tempadas, 17,7 puntos e 10,6 rebotes.

Foi elixido na quinta posición da primeira rolda do Draft da NBA por New York Knicks. Naquela época gañou o alcume de "Clyde" por levar un sombreiro similar ao de Warren Beatty na película Bonnie e Clyde. A marca deportiva Puma ten nos seus modelos unha edición dedicada a el: as míticas Puma Clyde, sendo o primeiro xogador de baloncesto profesional en dar o máximo rendemento cunhas deportivas de perfil baixo e con cores non tradicionais. No seu primeiro ano foi elixido no mellor quinteto de novatos da liga.

Durante as súas dez tempadas nos Knicks conseguiu dous aneis de campión da NBA nos anos 1970 e 1973. Foi 7 veces All Star e formou parte do mellor quinteto da tempada en 4 ocasións. Rematou a súa carreira en Cleveland Cavaliers. As súas medias durante todas estas tempadas foron de 18,9 puntos, 5,9 rebotes e 6,1 asistencias.

• 7 veces All Star (MVP en 1975).
• Incluído en 4 ocasións no mellor quinteto da liga.
• A súa camiseta co número 10 foi retirada polos Knicks en 1979.
• Membro do Basketball Hall of Fame dende 1987.
• Elixido un dos 50 mellores xogadores da historia da NBA en 1996.

• Páxina de Walt Frazier na web do Basketball Hall of Fame (en inglés)
• Estadísticas de Walt Frazier Arquivado 18 de febreiro de 2009 en Wayback Machine. (en inglés)
• Ficha de Walt Frazier Arquivado 06 de xullo de 2014 en Wayback Machine. (en castelán)