Provincia de Aksaray

Provincia de Aksaray
	Aksaray ili (tr)
Localización
	38°N 34°L / 38, 34
Estado	Turquía
Capital	Aksaray (pt)
Contén a división administrativa	Aksaray (pt) ; Ağaçören (en) ; Eskil (en) ; Gülağaç (en) ; Güzelyurt (pt) ; Ortaköy (en) ; Sarıyahşi (en)
Poboación
Poboación	429.069 (2021) (56,26 hab./km²)
Xeografía
Parte de	Kırıkkale Subregion (en)
Superficie	7.626 km²
Comparte fronteira con	Nevşehir (pt)
Identificador descritivo
Código postal	68000–68999
Prefixo telefónico	382
ISO 3166-2	TR-68
Código NUTS	TR712
Páxina web	aksaray.gov.tr

Aksaray é unha provincia (en turco il) do centro de Turquía, situada na rexión (bölge) da Anatolia Central (en turco: İç Anadolu Bölgesi) con 7.626 km² de superficie e 376.907 habitantes no ano 2009.^[1] A capital da provincia é a cidade de Aksaray.

Limita coas provincias de Konya polo sur e o oeste, Niğde polo sueste, Nevşehir polo leste e Kırşehir polo norte. É unha das catro provincias da rexión da Capadocia, xunto con Nevşehir, Niğde e Kayseri. No seu territorio érguese o volcán monte Hasan, de 3.000 metros de altitude entre Aksaray e Niğde. Os veráns na chaira son cálidos e secos, aínda que na primavera hai abundante flora, especialmente durante o desxeo. En Aksaray podemos encontrar tamén o lago Tuz, un lago salgado cunha extensión de 2.400 km².

Historia

Na antigüidade, esta zona era coñecida como Archelais Garsaura; esta nomenclatura converteuse en Taksara durante a era Selxúcida, para acabar converténdose en Aksaray.

As chairas da Anatolia central estiveron habitadas desde hai 8.000 anos e a contorna de Aksaray acolle monumentos da sucesión de civilizacións que ocuparon a zona durante todos eses anos. O túmulo de Aşıklı höyük na poboación de Kızılkaya corresponde a un asentamento datado en torno ao ano 5000 a. C., así como un cranio feminino que aparentemente foi trepanado, o resto máis antigo de cirurxía cerebral.

Posteriormente a Ruta da Seda cruzou estas paraxes, polo que se construíron caravasares e formáronse poboacións para abastecer e darlle abrigo aos comerciantes. A cidade de Aksaray e os seus arredores viviron o paso da civilización romana, Bizancio e o Imperio Otomán.

Hoxe en día, Aksaray é unha provincia agrícola, habitada por xente relixiosa e conservadora. A partir dos anos 50 do século XX produciuse unha grande emigración cara a Europa. A poboación de Aksaray presenta unha proporción de kurdos máis elevada que no resto das provincias da Anatolia central. Moitos deles foron trasladados desde Tunceli e outras cidades orientais tras a Rebelión de Sheikh Said de 1925.^[2]

Distritos

Lugares de interese

Aşıklı Höyük - túmulo funerario 25 quilómetros ao leste da cidade de Aksaray.
Acemhöyük - un primitivo asentamento da Idade de Bronce, 18 quilómetros ao noroeste de Aksaray.
A antiga cidade de Nora, na poboación de Helvadere.
Numerosas igrexas e mesquitas.
Val de Ihlara - un canón, a 40 quilómetros de Aksaray, no distrito de Güzelyurt

Notas

↑ TURKSTAT, ed. (2009). "Address based population registration system (ABPRS) database". Consultado o 2010-06-09. ^{[Ligazón morta]}
↑ "TÜRK OTAĞI.Türkçüler ve Türkçülük". Arquivado dende o orixinal o 03 de maio de 2007. Consultado o 27 de decembro de 2012.

[1] TURKSTAT, ed. (2009). "Address based population registration system (ABPRS) database". Consultado o 2010-06-09. ^{[Ligazón morta]}

[2] "TÜRK OTAĞI.Türkçüler ve Türkçülük". Arquivado dende o orixinal o 03 de maio de 2007. Consultado o 27 de decembro de 2012.

[1]