2M1207b

2M1207b
Comparación entre o tamaño de 2M1207b é Xúpiter.
Estrela Nai
Estrela	2M1207
Constelación	Centaurus
Ascensión recta	(α) 12h 07m 33.47s[1]
Declinación	(δ) −39° 32′ 54.0″[1]
Distancia	172 ± 3 al 52,75+1,04 −1,00[2] pc
Tipo espectral	M8[1]
Separación Época 2005[3]
Separación angular	(ρ) 769 ± 10[3] mas
Ángulo de posición	(θ) 125,6 ± 0,7[3] º
Separsación estimada	(d) 40,6 ± 1,3[4] UA
Características Físicas
Masa	(m sin i) 4 ++6 −-1 Mx
Raio	(r) 1,5[5] Rx
Temperatura	(T) 1600 ± 100[3] K
Descubrimento
Descuberto por	Chauvin e col.
Data do descubrimento	Abril do 2004
Método da detección	Imaxe
Status do descubrimento	Publicado[6]
Outras designacións
HD 3651 b
Referencias nas bases de datos
Extrasolar Planets Encyclopaedia	data
SIMBAD	data

2M1207b é un planeta extrasolar que orbita ó redor da estrela anana marrón 2M1207 na constelación de Centaurus, e está a preto de 170 anos luz da Terra.^[2] Destacado por ser un dos primeiros candidatos a planeta extrasolar observados directamente (a través de imaxes no infravermello), foi descuberto en abril de 2004 polo Very Large Telescope (VLT) dende o Observatorio de Paranal, Chile, por un equipo do Observatorio Europeo do Sur liderado por Gaël Chauvin.^[6] Pénsase que ten entre 3 a 10 veces a masa de Xúpiter e podería orbitar ó redor da súa estrela primaria a unha gran distancia, semellante á distancia a que orbita Plutón ó redor do noso Sol.^[5]

Este planeta é un xigante gasoso moi quente, a temperatura estimada da superficie é de aproximadamente 1.600 K (1.300 °C ou 2.400 °F), principalmente debido á contracción gravitacional.^[3] A súa masa está ben por baixo do límite calculado para a fusión do deuterio en ananas marróns, que é de 13 masas de Xúpiter. A proxección da distancia entre 2M1207b e a súa estrela primaria é de preto de 40 UA (Similar á distancia media entre Plutón e o Sol).^[4] O espectro infravermello indica a presenza de moléculas de auga na súa atmosfera.^[7] O obxecto non é un probable candidato para sustenta-la vida, tanto na súa superficie ou en calquera dos seus satélites.

2M1207b é preto de 100 veces máis débil no ceo que a súa compañeira.^[8] Detectouse por primeira vez coma un "puntiño avermellado de luz" en 2004 polo VLT. Trala observación de inicio, había algunha dúbida en canto a saber se os obxectos podían ser só unha simple binaria óptica, pero observacións posteriores do Telescopio Espacial Hubble e do VLT demostraron que os obxectos móvense xuntos e son, polo tanto, presuntamente un sistema binario.^[7]

O valor inicial da estimación fotométrica da distancia ata 2M1207b era de 70 parsecs.^[2] En decembro do 2005, o astrónomo norteamericano Eric Mamajek informou dunha avaliación máis precisa da distancia (53 ± 6 parsecs) para 2M1207b usando o método de cúmulo en movemento.^[9] Recentes resultados das paralaxes trigonométricas confirmaron esta distancia de cúmulo en movemento, levando a unha estimación de distancia de 52,75 +1,04
−1,00 parsec ou 172 ± 3 anos luz.^[2]

As estimacións para a masa, tamaño e temperatura de 2M1207b aínda son moi pouco precisas. Aínda que as evidencias espectroscópicas son consistentes cunha masa de 8 ± 2 masas de Xúpiter e unha temperatura de superficie de 1600 ± 100 K, os modelos teóricos para este obxecto predín unha luminosidade 10 veces maior cá observada. Debido a isto, foron propostas estimacións máis baixas para a masa e temperatura. Alternativamente, 2M1207b pode estar escurecido por un disco de po e gas.^[3] Como unha posibilidade improbable, Mamajek e Michael Meyer suxiren que o planeta é realmente moi pequeno, pero está irradiando calor xerada por unha recente colisión.^[10][11]

Aínda que a masa de 2M1207b é menor que a necesaria para que a fusión do deuterio comece, isto ocorre a partir das 13 masas de Xúpiter, e a imaxe de 2M1207b foi amplamente aclamada coma a primeira imaxe directa dun planeta extrasolar, pode ser cuestionado se 2M1207b é realmente un planeta. Algunhas definicións do termo planeta esixen que un planeta se teñan formado do mesmo xeito cós planetas do noso Sistema Solar, por acrecentamento nun disco protoplanetario.^[12] Con esta definición, se 2M1207b se formou directamente por colapso gravitacional dentro dunha nebulosa de gas, sería clasificado como unha sub-anana marrón, no canto dun planeta. Un debate similar existe en relación á identidade de GQ Lupi b, tamén fotografada por primeira vez en 2004.^[13] Por outra banda, o descubrimento de casos marxinais como o de Cha 110913-773444-a, poñen en riba da mesa a cuestión se distinguir polo xeito da súa formación é unha forma razoable de distinguir entre estrelas/ananas marróns e planetas.^[14] No 2006, a Unión Astronómica Internacional, a través do seu grupo de traballo sobre planetas extrasolares, describían a 2M1207b coma "un posible compañeiro planetario masivo que podería ser unha anana marrón".^[15]

• Planeta extrasolar
• Xigante gasoso
• Xúpiter quente

Commons ten máis contidos multimedia sobre:  2M1207b

• ESO Press Release 12/05:Yes, it is the Image of an Exoplanet
• BBC: Planet 'seen' around distant sun
• Space.com - Astronomers Confident: Planet Beyond Solar System Has Been Photographed
• Space.com article on the discovery
• Jean Schneider (2011). "Notes for Planet 2M1207 b". Extrasolar Planets Encyclopaedia. Arquivado dende o orixinal o 09 de novembro de 2011. Consultado o 3 October 2011. 
• "A Giant Planet Candidate Near a Young Brown Dwarf" (PDF) from the European Southern Observatory.
• Space.com: Fresh Debate over First Photo of Extrasolar Planet
• "A Moving Cluster Distance to the Exoplanet 2M1207 B in the TW Hydrae Association"
• "The Planetary Mass Companion 2MASS 1207-3932B: Temperature, Mass, and Evidence for an Edge-on Disk"
• "Planet collision could explain alien world's heat"