Xenebra (bebida)

A xenebra (en inglés: gin) ten a súa orixe en Schiedam^{[Cómpre referencia]}. É unha bebida alcólica obtida a base dun 30% de orxo e outros cereais, que despois de ser destilada aromatízase con bagas de xenebreiro e outras herbas. A súa cor varía entre o dourado e o transparente. As plantas das que se extrae sométense a unha destilación especial, case ao baleiro, a fin de non prexudicar o bouquet. A súa gradación adoita alcanzar os 60º. Pode ser doce, semiseca ou seca.

A primeira receita da xenebra holandesa foi escrita a mediados do século XVII por Franciscus Sylvius da Boeel, profesor da Universidade de Medicamento de Leiden. Este médico tentaba obter un remedio para os cálculos biliares e afeccións renais mesturando alcol obtido de cebada, centeo e millo con bagas de xenebro. A este novo preparado chamouno Genievre («xenebro», en francés). O produto rapidamente gañou popularidade e a xente comezou a chamalo Genever.

Terminada a Guerra dos Países Baixos, os ingleses levaron á súa patria esta bebida e nomeárona Gin.

A isto hai que sumarlle os impostos ás bebidas estranxeiras promulgados por Guillerme III de Orange en 1688 e posteriormente pola raíña Ana en 1708. Estas medidas mantivéronse até o ano 1742 cando se decide equiparar os impostos dado o índice de alcoholismo reinante. Esta medida tomada pola raíña María de Inglaterra, fixo que caese a maior parte da industria quedando só as fábricas máis fortes.