Merluccíidos

O nome da familia deriva do nome do seu xénero tipo, Merluccius, e este do latín medieval merlutius ou merluccius, do latín clásico merulis, -us ou merula, -ae, "merlo" (e tamén o nome de certo peixe), e lutius, -us, "lucio".^[3]

Teñen dúas aletas dorsais, excepto Lyconodes que ten só unha, cos primeiros raios espiñentos. A segunda aleta dorsal e a aleta anal cunha fendedura posterior. Carecen de barbelas no mento. A boca é grande, situada en posición terminal. Teñen dentes na parte dianteira do óso vómer, e a maioría das especies teñen os dentes longos e afiados. As escamas son pequenas, e de tipo cicloide.^[4]

As especies do xénero Merluccius son voraces depredadores que habitan na plataforma continental e na parte superior do noiro continental; as especies do xénero Macruronus viven en grandes bancos na plataforma continental subantártica.^[4] Pola súa parte, Steindachneria argentea, única especie do xénero Steindachneria, habita no golfo de México e no mar Caribe.^[2]

• Subfamilia Merlucciinae ^[5]
  • Xénero Lyconodes Gilchrist, 1922
  • Xénero Lyconus Günther, 1887
  • Xénero Macruronus Günther, 1873
  • Xénero Merluccius Rafinesque, 1810
• Subfamilia Steindachneriinae
  • Xénero Steindachneria Goode & T. H. Bean, 1888 ^[6]

• Cohen, D., Inada, T., Iwamoto, T. & Scialabba, N. (1990): Gadiform Fishes of the World (Order Gadiformes). An annotated and illustrated catalogue of cods, hakes, grenadiers and other gadiform fishes known to date. FAO: FAO Fisheries Synopsis, 125, volume 10, pp. 77–81.
• Lloris, Domingo (2005): Hakes of the world (family Merlucciidae): an annotated and illustrated catalogue of hake species known to date. Roma: FAO. ISBN 92-5-104984-X. Pódese ver en [1].
• Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.

• Gadiformes
• Pescada

• Fotografías das especies en FishBase.
• Merlucciidae en NCBI. (en inglés)