Dolar

• Lostrali : dolar ostralyen (AUD) ;
• Barbad : dolar barbadjen (BBD) ;
• Béliz : dolar bélizyen (BZD)
• Kannanda : dolar kannandjen (CAD) ;
• sèrten Léta dé Karayb oryantal (XCD) ;
• Létazini : dolar anmériken (USD) ;
• Lékwatò : dolar anmériken (USD) ;
• Gwiyannan : dolar gwiyannyen (GYD) ;
• Kiribati : dolar dé Kiribati (KID) ;
• Salvadò : dolar anmériken (USD)
• Fidji : dolar dé Fidji (FJD) ;
• Onng Konng : dolar di Onng Konng (HKD) ;
• Nanmibi : dolar nanmibyen (NAD) ;
• Nouvèl-Zélann : dolar néyo-zélandé (NZD) ;
• Sengapou : dolar sengapouyen (SGD) ;
• Sirinanm : dolar di Sirinanm (SRD) ;
• Taywann : nouvèl dolar di Taywann (TWD) ;
• Zimbabwé : dolar di Zimbabwé (ZWD)

• Dabò, létimoloji : mo « dolar » sa roun dériv fonnétik di mo anlman thaler oben taler (di thal, 'vallée' an anlman ; nou ka trouvé tèrm-an tolar an Slovéni). Thaler-a té roun lanmonnen di lajan don lyé-a di prodigsyon inisyal té atè Saint-Joachim, o Nò-Lwès di Bowenm-an annan mon Métalifèr-ya (jòdla an Répiblik tchèk, atè Jáchymov oben Sankt Joachimsthal, « val di St-Joachim ») koté roun min fika dékouvri an finisman-an di xve syèk . Li ka réponn so kò dabò annan tout Léròp jèrmannofonn (pa lègzanp rijksdaalder néyèrlandé-a oben rixdale), épi annan tout Lògsidan difèt di gran benzwen nimérèr o xvie syèk, lépòk koté métal-ya présyé divini tré rar atè Léròp, é anfen annan gran pati di monn.

• Senbòl-a di dolar ka roumonté san dout à pyès-a di 8 réyal èspangnòl. Annéfè, pyès-a di lajan èspangnòl di lwit réyal di plat té ka posédé roun révèr ki ka abòrdé roun grafism roumarkab, karagtéristik : 2 kòlonn ki kouronnen ki ka ankadré 2 plannisfè, ki ka rouprézanté Ansyen-an ké Nouvèl Monn-an, ki sirmonté di roun kouronn rwèyèl. Li té ka fè pati di roun gran lignen di lanmonnen, fanmi monnétèr-a dé réyal di Lèspangn, pyès-a di lwit ki aparanté di sirkrwa kou nou ka di pli laro o thaler jèrmannik.

• Pronmyé dolar nò-anmériken té enprimen an 1690 pa kòlonni di Massachusetts, mé so laspé té tré diféran di sa-ya di jòdla. Lò Létazini-ya ka akéri yé lendépandans (1776-1783), yé pran pou lanmonnen dolar-a, ké grafism-an di pyès-a di 8 réyal di plata (osi aplé « dolar èspangnòl », ki-lé-di « thaler èspangnòl », oben Spanish dollar), kou Péso-a té fika osi. Dipi, yé pwisans ékonnonmik ké finansyé otan ki politik ké militèr, ki kontribiyé à propagasyon-an di non di dolar annan byen ròt réjyon di monn.

Atè Kannanda, annan réjyon frankofonn-yan, dolar-a sa aplé popilèrman « loonie » oben « pyas ». Pyas-a té roun linité monnétèr ki té gen kour o Kannanda anvan rivé-a dé Britannik. A té dé pyès ékivalan o dolar, mé ki té ka provni di ròt réjyon di monn, kou Lanpir otoman ké Répiblik di Véniz. Annan Lanmérik di Nò britannik-a, lizaj-a té di konsidéré pyas kou tradigsyon fransé-a di dolar. A an koumansman di xxe syèk ki mo dolar-a koumansé ranplasé pyas an fransé kannandjen, asou biyé-ya di labank bilenng ké inilenng fransé. Pa lègzanp, pannan lannen-yan 1910, sèrten labank té ka émèt dé « dis pyas » alò ki ròt té ka émèt dé « di dolar ».