Egunsenti

Egunsentia, goizaldea, arginabarra, goiztiria, argi-urratzea edo argi-azkorria eguna argitzen hasten den unea da^[1], edo zehatzago esanda, goizeko krepuskuluaren hasiera adierazten duen eguzki-irteera aurreko denbora. Ezin da egunsentia eta eguzki-irteera nahasi, azkenea zeruertzean eguzkiaren adarra agertzen den momentua delako.

Egunsentiaren luzera latitudearen arabera aldatzen da, eskualde ekutorialetan minutu gutxikoa eta eskualde polarretan ordukoa izanik. Gauean fenomeno bera gertatzen da eguzki-sarreran, baina orduan ilunabarra du izena.