Zamenhof/Esperanto-objekto

Zamenhof/Esperanto-objekto, ofte mallongige ZEO, estas objekto nomata honore de L. L. Zamenhof aŭ Esperanto. Ĉi tiu mallongigo estis unue uzata en la libro de Hugo Röllinger Monumente pri Esperanto - ilustrita dokumentaro pri 1044 Zamenhof/Esperanto Objektoj en 54 landoj.^[1]

Laŭ Hugo Röllinger ZEO-j povas esti:

• Stratoj, avenuoj, placoj, parkoj ktp. oficiale nomitaj laŭ Zamenhof aŭ Esperanto. Tiuj nomoj en ĉiu kazo devas regule aperi sur strattabuloj, mapoj kaj simile.
• Konstruaĵoj oficiale nomitaj laŭ Zamenhof aŭ Esperanto, ekzemple monumentoj, pontoj, kulturdomoj, memortabuloj, muzeoj ktp.
• Komercaj entreprenoj, firmaoj, klinikoj, restoracioj, hoteloj ktp. nomitaj laŭ Zamenhof aŭ Esperanto.
• Objektoj oficiale nomitaj laŭ personoj, kies meritoj ekskluzive aŭ almenaŭ plejparte rilatas al esperantismo, la enskribo de la objekto devas mencii la vortojn “Esperanto” aŭ “Zamenhof”. (Ekzemple validas kiel ZEO la memortabulo pri la iama urbestro de la itala urbo Trento, Peterlongo, ĉar la tabulo mencias la Esperantajn meritojn de Peterlongo, nome ke li tradukis la “Dian Komedion” de Dante el la arkaika itala lingvo en Esperanton).
• Objektoj oficiale nomitaj laŭ personoj ĉe kiuj la esenca motivo por la honorigo estis la esperantisteco (ekzemple la “Plaza Doctor Juan Régulo Pérez” en La Laguna, Tenerife, Hispanio).

Vikio Amas ZEOjn estas fotokonkurso internacia pri Zamenhof/Esperanto-objektoj. Ĝi okazis unuafoje dum aŭgusto 2018. La partoprenantoj devis foti kaj alŝuti al la Vikimedia Komunejo fotojn pri objektoj rilataj al Esperanto, ties kulturo kaj iniciatinto. La konkurso atingis 208 fotojn pri ZEO-j en la mondo.

• 
  Memorŝtono en Pau, Francio
• 
  Tombo de Zamenhof en Varsovio
• 
  Strato Klara Zilbernick, Rio-de-Ĵanejro (Brazilo)
• 
  Parko Esperanto (Esperantopark), Wien (Aŭstrio)
• 
  Centro Ludoviko Zamenhof (Centrum im. Ludwika Zamenhofa), Białystok (Pollando)
• 
  SOJO Esperanto-Vegana Kafejo, Tokio (Japanujo)
• 
  Memortabulo al la Giovanni Peterlongo, Trento (Italio)
• 
  Esperantoflago en Esperantoplatsen en la centra Gotenburgo.

Universala Esperanto-Asocio havas komisiiton pri ZEO-j^[2]:

• ĝis 2001: Hugo Röllinger
• 2001–2009: Raymond Boré^[3]
• ekde 2009: Robert Kamiński^[4]

Kvankam Esperanto-urboj kaj -vilaĝoj ne estas mem ZEO-oj, en tiuj lokoj troviĝas la plej multaj ZEO-oj.

Por esti ESPERANTO-URBO, necesas:

• ĉefaj enirvojoj de la urbo la ŝildon "Esperanto-urbo"
• havi minimume 25 librojn en Esperanto aŭ pri Esperanto aŭ vortarojn en la urba biblioteko, aŭ en la urba administrejo aŭ en la urba lernejo
• akcepti Esperanto-staĝon, eventon en la urbo per faciligoj laŭ viaj ebloj
• saluti la partoprenantojn de tiaj eventoj aŭ saluti gravulojn de la Eo-movado alvenintajn en via urbo fare de la urbestro, prezidanto aŭ simila gravulo de via urbo
• posedi Esperanto-flagon kaj uzi ĝin laŭ la eventoj
• meti je senpaga dispono klasoĉambron, kaze ke estas surloke instruisto de Esperanto kaj interesatoj, kiuj volas lerni la lingvon
• meti la informon pri via statuso de Esperanto-urbo en vian oficialan retejon
• decidi esti Esperanto-urbo fare de la urba parlamento aŭ urbestro aŭ administrejo depende de la lokaj strukturoj

Malpli postulemaj kondiĉoj validas por Esperanto-vilaĝoj^[5].

1. ↑ Hugo Röllinger, "Monumente pri Esperanto - ilustrita dokumentaro pri 1044 Zamenhof/Esperanto Objektoj en 54 landoj", Universala Esperanto Asocio, Rotterdam 1997, ISBN 92-9017-051-4, elŝutebla en la retejo de UEA.
2. ↑ UEA: komisionoj kaj komisiitoj
3. ↑ Gazetaraj Komunikoj de UEA, n-ro 140: Raymond Boré daŭrigas la laboron de Röllinger. Arkivita el la originalo je 2010-06-13. Alirita 2019-06-28.
4. ↑ Gazetaraj Komunikoj de UEA, n-ro 354: Tri novaj UEA-komisiitoj
5. ↑ Stefan MacGill, EKO 51 AMO 78 en la fokuso

• Listo de Zamenhof/Esperanto-objektoj
• Kongresejo Esperanto (Fulda)
• Esperanto-kulturo
• Esperantalioj
• Zamenhofa Tago
• 1421 Esperanto
• 1462 Zamenhof

• Mapo de ZEO-J
• Facebook-grupo pri ZEO

(en + 9 aliaj elekteblaj lingvoj) Ludo por trovi ZEO-ojn, GeoGuessr

Listoj de Zamenhof/Esperanto-objektoj
Ekstertere Laŭkontinente: Afriko • Antarkto • Azio • Eŭropo • Nordameriko • Oceanio • Sudameriko Laŭlande: Brazilo • Bulgario • Ĉeĥio • Francio • Germanio • Hispanio • Hungario • Italio • Nederlando • Pollando

v • d • r Esperanto Historio Movado Universalaj Kongresoj Esperanto-renkontiĝoj Asocioj Esperantistoj laŭ la nacieco Komunumo Kulturo Slango Literaturo Muziko Radiofonio Filmoj Verkistoj Esperantologio Kursoj