Rumana Ortodoksa Eklezio

Rumana Ortodoksa Eklezio
ortodoksisma patriarkujo nacia eklezio
Komenco	1872 vd
Lando(j)	Rumanio vd
Sidejo	Bukareŝto
Posedatoj	Bucharest National Cathedral (en) vd
Retejo	Oficiala retejo
v • d • r

Rumana Ortodoksa Eklezio ( Biserica Ortodoxă Română )
Orientiĝo	Ortodoksa
Geografiaj lokoj	Rumanio kaj Moldavio
Nombro de membroj	18 806 428 en Rumanio; 720 000 en Moldavio
Oficiala retpaĝaro	www.patriarhia.ro
v • d • r

La Rumana Ortodoksa Eklezio (rumane Biserica Ortodoxă Română) estas memstara ortodoksa eklezio. Ĝi estas en plena kuneco kun aliaj ortodoksaj eklezioj, kaj estas rangigita sepa en la ordo de antaǔeco. La primaso de la eklezio havas la titolon patriarko. Ĝia aŭtoritato ampleksas la teritorion de Rumanio, kun diocezoj por rumanoj loĝantaj en apuda Moldavio, Serbio kaj Hungario, krome diasporaj komunumoj en Mezeǔropo kaj Okcidenta Eǔropo, Norda Ameriko kaj Oceanio.

Ĝi estas la nura Ortodoksa eklezio uzanta latinidan lingvon. La plimulto de la homoj en Rumanio (18.817.975, aǔ 86,8 % de la loĝantaro, laǔ la censo de 2002) apartenas al ĝi, kune kun proksimume 720.000 moldavianoj. La Rumana Ortodoksa Eklezio estas la dua plej granda post la Rusa Ortodoksa Eklezio.

Subtenantoj de la Rumana Ortodoksa Eklezio iam nomas ĝin Dreapta credinţă („ĝusta kredo“; komparu al greka ὀρθὴ δόξα „ĝusta kredo“). Ortodoksaj kredantoj iam koniĝas kiel dreptcredincioşi (~ ĝustakredantoj) aŭ dreptmăritori creştini.

Kontraste al la plejparto de komunistaj ŝtatoj, la Ortodoksa Eklezio en Rumanio ne estis submetita al severaj persekutoj, kvankam la tuta eklezia vivo estis severe kontrolita de la ŝtato.

Laŭleĝe, la Rumania Ortodoksa Eklezio ne estis disigita de la ŝtato de 1944 ĝis 1965. La komunista reĝimo ankaŭ pagis salajron el ŝtataj rimedoj al la pastroj. Pro tio, la eklezio konsekvence subtenis la eksteran politikon de la Ceaușescu-reĝimo, rezignis pri kritiko de la interna politiko kaj subtenis politikon kontraŭ la Sovetunio kaj hungaroj. La metropolito Antonio eĉ defendis la Ceaușescu-programon por malkonstrui preĝejojn kiel parto de necesaj urbiĝo kaj modernigo en Rumanio. La patriarko subtenis Nicolae Ceaușescu ĝis la fino de la reĝimo.

Post la falo de Ceaușescu, la ŝtato konservas regadon super kelkaj aspektoj de eklezia administrado de posedaĵo kaj financoj. Ĝis nun, 60% de la salajro de rumaniaj klerikoj estas pagataj de la ŝtato. Tio samas por ĉiuj de la ŝtate rekonitaj religioj en Rumanio. Aldone, la ŝtato financas ĉiujn kostojn de ortodoksaj seminarioj kaj kolegioj kaj subtenas konstruadon de preĝejoj.

• Patro Dumitru Stăniloae (1903 - 1993) estis unu el la plej grandaj teologoj rumanaj kaj aŭtoro de la Philokalia^[1].
• Patro Arsenie Boca (1910 - 1989), monaĥo, teologo kaj artisto.
• Patro arkimandrito Cleopa Ilie (1912 - 1998), dekano de la monaĥejo Sihastria.