Guy de La Brosse
Guy de La Brosse (1586 – 1641 en Parizo), estis franca botanikisto, doktoro, kaj farmaciisto.[1] Kuracisto de la reĝo Ludoviko la 13-a, li estas fama ankaŭ pro la kreado de grava botanika ĝardeno de kuracherboj, kiu estis komisiita de la reĝo.[2] Tiu ĝardeno, nome Jardin des Plantes (Ĝardeno de Plantoj, origine Jardin du Roi, Ĝardeno de la Reĝo) estis la unua botanika ĝardeno en Parizo, kaj la dua en Francio (post la ĝardeno de Montpellier kreita en 1593).
| Guy de La Brosse | |
|---|---|
| |
| Persona informo | |
| Naskiĝo | 1-an de januaro 1586 en Rueno |
| Morto | 1-an de aŭgusto 1641 (55-jaraĝa) en Parizo |
| Lingvoj | franca |
| Loĝloko | Francio |
| Ŝtataneco | Francio 
|
| Okupo | |
| Okupo | botanikisto kuracisto
|
La ĝardena projekto estis prokrastita ĉar la Fakultato de Medicino en Parizo konsideris la ĝardenon kiel konkurenco al sia agado, ĉar La Brosse deziris instrui botanikon kaj kemion tie. La ĝardeno tial ne estis oficiale inaŭgurita ĝis 1640, pli ol 5 jaroj post sia fakta kreado.[3] Por trankviligi la universitatan fakultaton, la reĝo rajtigis nur unu instruiston sen diplomo en la ĝardeno, kaj tiu elekto kuŝis al la ĝardena kontrolisto.
En 1628 La Brosse publikigis "Dessin du Jardin Royal pour la culture des plantes médicinales" ("Dezajn de Reĝa Ĝardeno por kultivado de kuracplantoj"). Ĝi estis publikigita denove kun kvin suplementaj lignogravuraĵoj en 1640. Ĝi enhavis la naturon, virtuojn kaj uzadon de la kuracplantoj, katalogon de la plantoj kiuj tiutempe estis kultivataj kaj planon de la ĝardeno.[4] En 1631 li publikigis "Avis pour le Jardin royal des plantes" ("Averto por la Reĝa Ĝardeno"). La Brosse ankaŭ planis publikigon de "Collection of planters of the Jardin du Roi" akompanata de kvar cent kuproplatoj atribuitaj al Abraham Bosse (1602–1676), sed lia morto malebligis, ke La Brosse plenumu tion. La heredantoj de Guy de La Brosse vendis la kuproplatoj laŭ la pezo de la metalo. Guy-Crescent Fagon (1638–1718), sukcedanto de La Brosse en la posteno de Kontrolisto de la Jardin du Roi, povis barakte trovi nur kvin dek el ili. Finfine Sebastien Vaillant (1669–1722) kaj Antoine de Jussieu (1686–1758) publikigis kolekton de 24 specimenoj.
Verkoj
redakti- Traicté de la peste, fait par Guy de La Brosse,... avec les remèdes préservatifs (1623)
- Dessin du Jardin Royal pour la culture des plantes médicinales (1928)
- De la nature, vertu, et utilité des plantes (1628)
- Avis pour le Jardin royal des plantes (1931)
- L'ouverture du Jardin royal de Paris (1640)
Notoj
redakti- ↑ (Januaro 1913) “The Botanical Philosophy of Guy de la Brosse: A Study in Seventeenth-Century Thought”, Isis (en) 1 (3), p. 359–369. doi:10.1086/357778.
- ↑ Gunn, Mary. (1981) Botanical exploration of southern Africa: an illustrated history of early botanical literature on the Cape flora: biographical accounts of the leading plant collectors and their activities in southern Africa from the days of the East India Company until modern times, L. E. W. Codd, Cape Town: Published for the Botanical Research Institute by A.A. Balkema, p. 18. ISBN 0-86961-129-1. OCLC 8591273.
- ↑ "Plantes et médecine, (al)chimie et libertinisme chez Guy de la Brosse — Medica — BIU Santé, Paris". www.biusante.parisdescartes.fr. Alirita la 11an de Januaro 2022.
- ↑ The Galileo Project, La Brosse, Guy de. Alirita 2021-03-01.
Eksteraj ligiloj
redakti- Guy de la Brosse's biography and works digitized by the BIUM (Bibliothèque interuniversitaire de médecine et d'odontologie, Paris), see its digital library Medic@.