Genera Plantarum
Genera Plantarum estas publikaĵo de la sveda naturalisto Karolo Lineo (1701–1778). La unua eldono aperis en Leiden, 1737. La kvina eldono utilis kiel komplementa volumeno al Species Plantarum (1753). La artikolo 13 de la Internacia Kodo de Botanika Nomenklaturo asertas, ke "Oni interkonsentis asociigi genrajn nomojn kiuj unue aperis en la verko de Lineo Species Plantarum eld. 1 (1753) kaj eld. 2 (1762–63) kun la unua sekva priskribo donita laŭ tiuj nomoj ĉe la verko de Lineo Genera Plantarum eld. 5 (1754) kaj eld. 6 (1764)." Tio difinas la startpunkton por nomenklaturo de plej grupoj de plantoj.[1]
| Genera Plantarum | |
|---|---|
| |
| skribita verko | |
| Aŭtoroj | |
| Aŭtoro | Karolo Lineo |
| Lingvoj | |
| Lingvo | latina lingvo |
| Eldonado | |
La unua eldono de Genera Plantarum enhavas mallongan priskribojn de 935 plantogenroj kiuj estis konataj de Lineo tiam. Ĝi estis dediĉita al Herman Boerhaave, kuracisto de Leiden kiu prezentis Lineon al George Clifford kaj al nederlanda medicin-botanika establado de tago. Genera Plantarum uzis “seksan sistemon” de klasigo, en kiuj plantoj estas grupigitaj laŭ la nombro de stamenoj kaj pistiloj en la floro. Genera Plantarum estis reviziita kelkajn fojojn fare de Lineo, kaj la kvina eldono estis publikigita en Aŭgusto 1754 (eld. 3 kaj 4 ne estis eldonitaj de Lineo) kaj ligita al la unua eldono de Species Plantarum.[1] Dum la 16 jaroj kiuj pasis inter la publikigo de la 1a kaj 5a eldonoj la nombro de genroj listigitaj pliiĝis el 935 al 1105.
Lineo establis la sistemon de dunoma nomenklaturo pere de la disvastiga akceptado de lia listo de plantoj en la eldono de 1753 de Species Plantarum, kiu estas nune konsiderata ekpunkto por ĉia botanika nomenklaturo. Genera Plantarum estis integra parto de tiu unua mejloŝtono al universala standardigita biologia nomenklaturo.
Referencoj
redaktiBibliografio
redakti- Stafleu, Frans A. 1971. Linnaeus and the Linnaeans: the Spreading of their Ideas in Systematic Botany, 1735–1789. Utrecht: International Association for Plant Taxonomy. ISBN 90-6046-064-2.
- Stearn, William T. 1960. “Notes on Linnaeus’s ‘Genera Plantarum’”. In Carl Linnaeus, Genera plantarum fifth edition 1754. Facsimile reprint Weinheim. Historiae Naturalis Classica 3.
- Stearn, William T. 1971. In Blunt, William. The Compleat Naturalist: a Life of Linnaeus. New York: Frances Lincoln. ISBN 0-7112-1841-2.
- Stearn, William T. 1986. Linnaeus and his students. In "The Oxford Companion to Gardens". Jellicoe, Geoffrey et al. (eds). Oxford: Oxford University Press. ISBN 0-19-866123-1.
Eksteraj ligiloj
redakti- Genera Plantarum online (the second edition (Leiden, 1742) ĉe Google books)
- Traduko de la enkonduko de Carl Linnaeus al Genera Plantarum (1737) Arkivigite je 2011-07-16 per la retarkivo Wayback Machine