Edwin Jongejans
Edwin Jongejans (naskiĝis en Amstelveen la 18-an de decembro 1966) estas eksa internacia plonĝanto el Nederlando, kiu akiris sian plej grandan sukceson en 1991 kiam li iĝis mondĉampiono sur la (ne olimpika) unumetrotabulo.
| Edwin Jongejans | ||||||||||||||||||||||
 Edwin Jongejans en 1984
| ||||||||||||||||||||||
| konkura plonĝisto • naĝisto | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
| plonĝado | ||||||||||||||||||||||
| Nomo | Edwin Jongejans | |||||||||||||||||||||
| Naskiĝo | la 18-an de decembro 1966 en Amstelveen,  Nederlando
| |||||||||||||||||||||
| ||||||||||||||||||||||
Je tiu sama ero li dufoje iĝis eŭropa ĉampiono, en 1989 kaj 1995. Per tio li estas la plej sukcesa nederlanda plonĝanto el la historio ĝis nun. Post la mondĉampioneco li elektiĝis, kune kun boksisto Arnold Vanderlyde, al Sportulo de la jaro.
Dufoje li partoprenis al la Olimpikaj Ludoj, en 1988 (Seulo) kaj 1992 (Barcelono). Dum kelkaj jaroj li estis trejn-mentoro de la ligo de nederlandaj plonĝantoj kaj nun estas trejnisto en Leeds. Lia fratino Daphne ankaŭ aktivis kiel plonĝantino.
En 2001 li rolis en la televidfilmo Ochtendzwemmers (mateno-naĝantoj).