Instituto Cervantes

Instituto Cervantes
Enghraifft o'r canlynol	sefydliad diwylliannol, sefydliad addysgiadol, endid tiriogaethol dynol-ddaearyddol
Dechrau/Sefydlu	1991
Yn cynnwys	Instituto Cervantes, Berlin
Pennaeth y sefydliad	cyfarwyddwr Instituto Cervantes
Aelod o'r canlynol	European Union National Institutes for Culture
Isgwmni/au	Instituto Cervantes de Varsovia, Instituto Cervantes de Cracovia, Instituto Cervantes Tokio, Instituto Cervantes, Berlin, Instituto Cervantes de Budapest, Instituto Cervantes de Salvador de Bahía, Instituto Cervantes of Manila, Biblioteca María Zambrano. Instituto Cervantes di Roma, Instituto Cervantes de Pekin, Instituto Cervantes de Shanghai, Instituto Cervantes Praga
Rhiant sefydliad	Secretariat of State for International Cooperation
Pencadlys	Madrid
Enw brodorol	Instituto Cervantes
Rhanbarth	Madrid
Gwefan	https://www.cervantes.org
	Ffeiliau perthnasol ar Gomin Wicimedia

Mae Instituto Cervantes (;Sefydliad Cervantes;) yn sefydliad dielw byd-eang a grëwyd gan lywodraeth Sbaen yn 1991.^[1] Fe'i enwir ar ôl Miguel de Cervantes (1547-1616), awdur Don Quixote ac efallai'r ffigwr pwysicaf yn hanes llenyddiaeth Sbaeneg. Sefydliad Cervantes yw'r sefydliad mwyaf yn y byd sy'n gyfrifol am hyrwyddo astudio a dysgu iaith a diwylliant Sbaeneg. Mae'r sefydliad yn aelod o'r European Union National Institutes for Culture.

Ni cheir cangen o'r sefydliad yng Nghymru. Mae'r canghennau Prydeinig yn Llundain, Leeds a Manceinion.

Crynodeb

Mae'r sefydliad hwn wedi ehangu i 45 o wledydd gyda 88 o ganolfannau wedi'u neilltuo i ddiwylliant Sbaenaidd ac America Sbaenaidd ac iaith Sbaeneg.^[2] Creodd Erthygl 3 o Gyfraith 7/1991, ar 21 Mawrth 1991, yr Instituto Cervantes fel asiantaeth y llywodraeth. Mae'r gyfraith yn egluro mai nodau eithaf y Sefydliad yw hyrwyddo addysg, astudio a defnyddio Sbaeneg yn gyffredinol fel ail iaith; cefnogi'r dulliau a'r gweithgareddau a fyddai'n helpu'r broses o addysg Sbaeneg, a chyfrannu at hyrwyddo diwylliannau Sbaenaidd ac America Sbaenaidd ar draws gwledydd di-Sbaeneg.^[3]^[4]

Swyddogaethau

Logo yr Istituto gydag argraffiad o'r diacritig nodweddiadol i'r orgraff Sbaeneg, y tilde

Swyddogaethau a gwasanaethau Sefydliad Cervantes yw:

Cynllunio cyrsiau iaith Sbaeneg, gan gynnig dau fath o gwrs: cyffredinol ac arbennig.
Cynnig arholiadau Diplomâu Sbaeneg fel Iaith Dramor (DELE) ar ran Gweinyddiaeth Addysg Sbaen. Mae hwn yn gymhwyster swyddogol sy'n ardystio lefelau cymhwysedd yn yr iaith Sbaeneg, a dyma'r unig dystysgrif ar gyfer siaradwyr Sbaeneg anfrodorol sy'n cael ei chydnabod yn swyddogol yn Sbaen. Rhennir y diplomâu yn chwe lefel, pob un yn cyfateb i lefel hyfedredd arbennig fel y disgrifir gan y Fframwaith Cyfeirio Ewropeaidd Cyffredin ar gyfer Ieithoedd: A1, A2, B1, B2, C1, C2.
Gwella dulliau addysg Sbaeneg.
- Amgylchedd dysgu Sbaeneg ar-lein Ex) AVE (Aula Virtual de Español)^[5]
- Creu amgylchedd cymdeithasol, diwylliannol ac addysgol ym mhob canolfan^[5]
- Cynllun myfyriwr-ganolog, yn canolbwyntio ar y deialogau rhwng athro a myfyriwr ynghylch amcanion a chynnwys^[5]
Mae'n cefnogi Sbaenwyr a "Hispaniaeth", sef yr astudiaeth o ddiwylliant Sbaen ac America Sbaenaidd.
- Noddi darlithoedd, cyflwyniadau llyfrau, cyngherddau, arddangosfeydd celf, Gŵyl Ffilm Sbaen a Gŵyl Fflamenco. Cefnogir gan sefydliadau a chymunedau eraill.^[2]
Trefnu ac yn hyrwyddo'r rhaglen i ledaenu'r iaith Sbaeneg ledled y byd.
- Gweithio gyda radio a theledu cenedlaethol Sbaen i ddarparu cyrsiau iaith Sbaeneg.^[5]
- Cyhoeddiadau, llyfryddiaethau ar-lein, daliadau llyfrgell, cynnal cynadleddau mawr ar gyflwr yr iaith Sbaeneg.^[5]
Mae'n gweinyddu'r arholiadau Gwybodaeth Gyfansoddiadol a Chymdeithasol o Sbaen (CCSE) ledled y byd, sy'n ofyniad cyfreithiol ar gyfer caffael cenedligrwydd Sbaenaidd.
Mae'n sefydlu llyfrgelloedd a chanolfannau.
Mae hefyd yn cyhoeddi'r Anuario del español i ddadansoddi ac adrodd ar sefyllfa a datblygiad yr iaith Sbaeneg mewn gwahanol leoedd.
Mae'n cefnogi'r Centro Virtual Cervantes ar y rhyngrwyd ers 1997.

Diplomâu Iaith Sbaeneg

Y Diploma Iaith Sbaeneg, DELE, yw'r dystysgrif swyddogol gyda chydnabyddiaeth ryngwladol sy'n ardystio gwybodaeth o Sbaeneg fel iaith dramor. Fe'i cyhoeddir gan yr Instituto Cervantes ar ran Gweinyddiaeth Addysg Sbaen.

Cydnabyddiaeth

Yn 2005, ynghyd â'r Alliance française, y Società Dante Alighieri, y Cyngor Prydeinig, y Goethe-Institut, a'r Instituto Camões, dyfarnwyd Gwobr Tywysog Asturias i'r Instituto Cervantes am gyflawniadau eithriadol ym maes cyfathrebu a dyniaethau.

Lleoliadau byd-eang

Mae’r Instituto Cervantes wedi datblygu ei brosiect addysgol ar system o sefydliadau a chanolfannau lleol:

Centros Cervantes (canolfannau llawn)
Aulas Cervantes ("darlithfaoedd" llai)
Rhwydwaith Centros Acreditados a Centros Asociados

Mae rhestr gynrychioliadol yn dilyn, ac mae'r rhestr ddiweddaraf a chyflawn i'w gweld yn www.cervantes.es.

Centros Cervantes
- Affrica
  - (Algiers, Oran)
  - Yr Aifft (Cairo, Alexandria)
  - (Casablanca, Fes, Rabat, Tangier, Tétouan, Marrakesh)
  - (Tunis)
- Americas
  - Brasil (Rio de Janeiro, São Paulo, Brasília, Salvador, Belo Horizonte, Porto Alegre, Recife, Curitiba)
  - Unol Daleithiau (Albuquerque, Boston – Prifysgol Boston, Chicago, Los Angeles, Dinas Efrog Newydd, Seattle – Prifysgol Washington)
- Asia
  - Gweriniaeth Pobl Tsieina (Beijing, Shanghai)
  - India (Delhi Newydd)
  - Japan (Tokyo)
  - (Manila, Makati)
  - De Corea (Seoul)
- Ewrop
  - Awstria (Vienna)
  - Gwlad Belg (Brussels)
  - (Sofia)
  - Y Weriniaeth Tsiec (Prague)
  - Ffrainc (Bordeaux, Lyon, Paris, Toulouse)
  - Almaen (Berlin, Bremen, Frankfurt am Main, Hamburg, Munich)
  - Gwlad Groeg (Athens) – agorwyd yr Institute Cervantes Institute gyntaf yn Anthen 1992; ym mis Mawrth 2010, agorodd y Breninines Sofía o Sbaen yr adeilad newydd.
  - Hwngari (Budapest)
  - Iwerddon (Dublin) – 53°20′31″N 6°15′06″W / 53.341975°N 6.251575°W / 53.341975; -6.251575
  - Yr Eidal (Milan, Naples, Palermo, Rhufain)
  - Yr Iseldiroedd (Utrecht)
  - Gwlad Pwyl (Warsaw, Kraków)
  - Portiwgal (Lisbon)
  - (Bucharest)
  - Rwsia (Moscow)
  - Serbia (Belgrade)
  - Sweden (Stockholm)
  - Y Deyrnas Unedig (Leeds, Llundain, Manceinion)
- Dwyrain Canol
  - Cyprus (Nicosia)
  - (Tel Aviv)
  - (Amman)
  - (Beirut, Kaslik, Tripoli)
  - (Damascus)
  - Twrci (Istanbul)
- Oceania
  - Awstralia (Sydney
Aulas Cervantes
- Affrica
  - (Annaba, Tlemcen)
  - (Nador)
- Asia
  - Indonesia (Jakarta)
  - (Kuala Lumpur)
  - (Hanoi)
- Ewrop
  - Bwlgaria (Sofia)
  - Croatia (Zagreb)
  - Slofacia (Bratislava)
  - Slofenia (Ljubljana)
Centros Acreditados
- Sbaen
- Asia
  - ^[6]
  - Singapôr^[7]
Centros Asociados
- Ewrop
  - Iwerddon (Corc) – see Coleg Prifysgol Corc, Adran Astudiaethau Hisbanig^[8]^[9]

Sefydliadau hyrwyddo iaith a diwylliant ryngwladol eraill

Mae Instituto Cervantes yn debyg i sawl sefydliad gan genedl wladwriaethau eraill er mwyn hyrwyddo diwylliant, iaith a buddion eu gwledydd. Y Basgwyr (gydag Etxepare Euskal Institutua ) a'r Catalaniaid (gyda Institut Ramon Llull) yw'r unig ddau genedl ddi-wladwriaeth sydd â sefydliad mor soffistigedig a strategol. Hyd yma, nid yw Cymru wedi gweld yn dda i sefydlu asiantaeth debyg.

Asiantaethau [golygu \| golygu cod] Goethe-Institut, Yr Almaen Österreich Institut, Awstria Instituto Guimarães Rosa (cynt Centro Cultural Brasileiro), Brasil Sefydliad Confucius, Gweriniaeth Pobl Tsiena Instituto Caro y Cuervo, Colombia Česká centra, Gweriniaeth Tsiec Dansk Kulturinstitut, Denmarc British Council, Deyrnas Unedig European Union National Institutes for Culture, Undeb Ewropeaidd Alliance française, Ffrainc Institut français, Ffrainc Suomen kulttuuri- ja tiedeinstituutit, Ffindir Canolfan yr iaith Roeg, Gwlad Groeg Sefydliad Diwylliant Groeg, Gwlad Groeg Balassi Intézet, Hwngari (1927– ) Indian Council for Cultural Relations, India Culture Ireland, Iwerddon Istituto Italiano di Cultura, Yr Eidal Società Dante Alighieri, Yr Eidal EMMA for Peace, Yr Eidal	Eesti Instituut, Estonia Jewish Agency for Israel, Israel Sefydliad Japan, Japan Korean Friendship Association, Gogledd Corea Lietuvos kultūros institutas, Lithwania Sentro Rizal, Y Philipinau Instytut Adama Mickiewicza, Gwlad Pwyl Instytut Polski, Gwlad Pwyl Instituto Camões, Portiwgal Institutul Cultural Român, Rwmania Sefydliad Russkiy Mir, Rwsia Canolfan Diwylliannol Corea, De Corea Sefydliad Corea, De Corea Instituto Cervantes, Sbaen Svenska Institutet, Sweden Sefydliad Yunus Emre, Twrci Sefydliad Wcráin, Wcráin Bureau of Educational and Cultural Affairs, Unol Daleithiau Institut Ramon Llull - Tiroedd Catalaneg Etxepare Euskal Institutua - Gwlad y Basg