Вікісховішча:Меркі хуткага выдаленьня

This page is a translated version of a page Commons:Criteria for speedy deletion and the translation is 99% complete. Changes to the translation template, respectively the source language can be submitted through Commons:Criteria for speedy deletion and have to be approved by a translation administrator.

Outdated translations are marked like this.

Shortcuts: COM:CSD • COM:SPEEDY

Гэтая старонка зьяўляецца афіцыйнай палітыкай у Вікісховішчы (усе правілы і рэкамэндацыі).
Гэтае правіла шырока прынятае ўдзельнікамі і зьяўляецца стандартам, якога мусяць прытрымлівацца ўсе ўдзельнікі. Акрамя дробных правак, прапануйце зьмены на старонцы абмеркаваньня.

Гэтая старонка ўсталёўвае правіла хуткага выдаленьня Вікісховішча, што тлумачыць, як запытваць ці выконваць хуткае выдаленьне. Гэтая старонка не тлумачыць пытаньні наконт аўтарскага права ці дазволаў. Калі ласка, глядзіце такія зьвесткі на Вікісховішчы:Дазволы.

Меркі хуткага выдаленьня вызначаюць адзіныя выпадкі, пры якіх адміністратары маюць шырокі кансэнсус падтрымкі таго, каб на ўласныя глузды пазьбягаць абмеркаваньня выдаленьня і неадкладна выдаляць файлы ці старонкі. Гэта не азначае, што адміністратары абавязаныя выдаляць іх, калі існуюць акалічнасьці, што прадугледжваюць лепшае простае рашэньне. Яны ахопліваюць толькі выпадкі, пералічаныя ў правілах ніжэй.

Адміністратары ня мусяць намагацца хутка выдаляць старонкі ці мультымэдыя, за выняткам самых відавочных выпадкаў. Калі старонка пасьля папярэдняй намінацыі была пакінутая, яе нельга выдаляць, калі не адкрыліся новыя парушэньні аўтарскага права. Часам удзельнікі ствараюць старонкі некалькімі рэдагаваньнямі, таму адміністратарам варта намагацца пазьбягаць выдаленьня няскончаных старонак адразу пасьля іх стварэньня.

Існуе строгі кансэнсус, што варта папярэджваць стваральнікаў і асноўных рэдактараў старонак пра выстаўленьне на выдаленьне. Калі выстаўляеце любы зьмест на хуткае выдаленьне, паведаміце пра гэта ягонаму стваральніку.

Каб выставіць старонку на хуткае выдаленьне, можна скарыстаць {{speedydelete|<апісаньне прычыны>}} альбо скарот {{SD|<код меркі, напрыклад А7 для «запыт творцы/запампоўвальніка», глядзіце сьпіс>}}.

Агульныя прычыны

Shortcut

COM:GCSD

А1. Тэставая старонка, выпадковае стварэньне альбо старонка зь неадпаведным зьместам ці зь бязглузьдзіцай: На старонцы разьмешчаны больш непатрэбны зьмест, які раней прымяняўся для праверкі, ці яна створаная выпадкова, ці мае бязглузды ці бессэнсоўны зьмест. Гэта таксама тычыцца тэксту на старонках абмеркаваньняў (які ня мае гісторыі працягу), які не дапамагае і не зьвязаны з дадзенай старонкай.
А2. Нескарыстанае і няпраўдападобнае або зламанае перанакіраваньне: Старонка — нескарыстанае і няпраўдападобнае перанакіраваньне або перанакіраваньне, залежнае ад выдаленага ці няіснага зьместу. Нескарыстаныя перанакіраваньні старонкі гутарак, створаныя ў выніку перамяшчэньня старонкі, і перанакіраваньні на перакрыжаваныя прасторы імёнаў могуць таксама выдаляцца паводле гэтай меркі.
А3. Зьмест, прызначаны для вандалізму, пагрозы або нападкі: Зьмест, разьмешчаны з намерам вандалізму або пагрозы іншай асобе ці ўдзельніку, яе дапяканьня альбо нападкі на яе. Уліковыя запісы ўдзельнікаў, якія ўчыняюць такія дзеяньні, падлягаюць часоваму або пастаяннаму блякаваньню ў залежнасьці ад паважнасьці зьместу. Зьмест, разьмешчаны з намерам стварэньня і пашырэньня выдумак, таксама могуць выдаліць паводле гэтай меркі.
А4. Перастварэньне зьместу, выдаленага раней паводле згоды супольнасьці: Старонка або файл супадае са зьместам, які выдалілі раней паводле згоды супольнасьці. Паўторнае перастварэньне такога зьместу можа прывесьці да блякаваньня ўліковага запісу ўдзельніка. Творца або запампоўвальнік можа папрасіць выдаліўшага адміністратара аднавіць файл або падаць запыт аднаўленьня.
А5. Часовае выдаленьне для ачысткі гісторыі або прыхоўваньня правак: Часова выдалены зьмест, каб прыбраць дакладныя праўкі, што зьмяшчаюць вандалізм, пагрозы, нападкі або асабістыя зьвесткі. Зьмест могуць таксама часова выдаліць, каб выканаць зьліцьцё або падзел гісторыі.
А6. Несупярэчлівы догляд: Зьмест, часова выдалены для перамяшчэньня старонкі і іншых несупярэчлівых задачаў догляду, што патрабуюць часовага або пастаяннага выдаленьня.
А7. Запыт выдаленьня творцам або запампоўвальнікам: Спачатны творца або запампоўвальнік запытвае выдаленьне нядаўна створанага (да 7 дзён) нескарыстанага зьместу. Творца або запампоўвальнік мае падаць запыт выдаленьня датычна старэйшага зьместу^[1].
А8. Старонка, залежная ад выдаленага або няіснага зьместу: Старонка або файл залежыць ад выдаленага або больш няіснага зьместу, як то сіраціны-старонкі гутарак без карыснага зьместу і падстаронкі без бацькоўскай старонкі. Мерка тычыцца толькі зьместу ў «Вікімэдыі», але ня вонкавага зьместу (прыкладам выдаленай крыніцы).
А9. Службовае дзеяньне: Мерка, пакінутая для службовых дзеяньняў. Служба Фундацыі «Вікімэдыя» пакідае за сабой права хутка выдаляць зьмест часова або пастаянна ў вынятковых выпадках. Ніякі адміністратар ня можа выдаліць зьмест з адсылкай да гэтай меркі, калі не знаходзіцца ў штаце «Вікімэдыі». Выдаленьні гэтага віду ня маюць адкатваць без дазволу Фундацыі.
А10. Файлы і старонкі, створаныя ў якасьці рэклямы: Гэта ўлучае толькі зьмест, запампаваны, каб прасоўваць тавары і паслугі, калі той выразне некарысны для асьветнай задачы (глядзіце Вікісховішча:Ахоп праекту). Файлы, што адлюстроўваюць сучасную або мінулую рэкляму, не падпадаюць пад гэтую мерку.
А11. Абуральнае парушэньне аўтарскага права на тэкст: Старонка зьмяшчае тэкст з вэб-старонак або дакумэнты без дазволу пад аўтарскім правам.

Датычна прасторы імёнаў

Галерэя

ГА1. Галерэя без выяваў і іншых мэдыяфайлаў: Пустыя старонкі асноўнай прасторы (галерэі) або тыя, што не зьмяшчаюць карыснага зьместу, такія як старонкі з тэкстам без выяваў і іншага мультымэдыя.
ГА2. Удзельнік меў намер стварыць энцыкляпэдычны зьмест: Старонка, задуманая быць энцыкляпэдычным артыкулам. Артыкулам і жыцьцяпісам месца ў праектах Вікіпэдыі. Яны па-за ахопам праекту Вікісховішча.

Катэгорыя

К1. Неналежна названая катэгорыя: Катэгорыі зь няслушнымі назвамі могуць хутка выдаліць пасьля перамяшчэньня іх зьместу ў належна названую катэгорыю. Перанакіраваньне варта пакінуць, калі назва старой катэгорыі таксама слушнае.; Глядзіце Вікісховішча:Перайменаваць катэгорыю:Ці варта выдаляць старую катэгорыю
К2. Нескарыстаная пустая катэгорыя: Катэгорыю можна хутка выдаліць, калі яна пустая, яўна некарысная, і наўрад ці калісьці яе скарыстаюць. Ня тычыцца выпадку, калі старонку пазначылі тлумачэньнем прычыны захаваньня або супярэчлівасьці выдаленьня ці катэгорыю нядаўна ачысьцілі без узгадненьня. Падумайце наконт перанакіраваньня або перайменаваньня катэгорыі замест выдаленьня.