geot

Brezhoneg

Kavet e henvrezhoneg guelt.

Meneget er C'hatolikon (gueautenn).

Da geñveriañ gant an anvioù-kadarn gwellt « plouz » e kembraeg, gwels « geot » e kerneveureg ha gelt « peuraj, pasturaj » e heniwerzhoneg.

Deuet eus un anv-kadarn keltiek *gʷeltā, deveret diwar ur verb *gʷel-o- « peuriñ » (miret evel gelid e heniwerzhoneg)^[1]^[2].

geot /ˈɡɛwt/ gourel strollder (unander geotenn)

Plant glas
- E-touez ar geot-se, a dape dezhe betek o c'hof, e oa div vuoc'h. — (Fañch an Uhel, Kontadennoù ar Bobl/1, Al Liamm, 1984, p. 285.)
- ...E veze hi o c'hoarzhin o welet ac'hanon o choukata bec'hioù geot sec'h eus an tornaodoù. — (Jules Gros, Le trésor du breton parlé Deuxième Partie, 1970, p. 75.)
- Sell, ur glesker bihan e-mesk ar geot ! — (Jules Gros, Le trésor du breton parlé Deuxième Partie, 1970, p. 175.)
- Hedañ a reas ar stêr ur pennad, hag ec'h azezas war ar geot, eus tu an dour. — (Jakez Riou, Geotenn ar Werc'hez ha danevelloù all, Al Liamm, 1957, p. 40.)

Roll an daveoù :

↑ Ranko Matasović, Etymological Dictionary of Proto-Celtic, Leyden, Brill, 2009, p. 145–146.
↑ Nicholas Zair, The Reflexes of the Proto-Indo-European Laryngeals in Celtic, Leyden, Brill, 2012, p. 188–189.