Proto-Indo-Eropa

Ahli basa Marin L. West maartikan Proto-Indo-Eropa "Lamunnya ada sabuting basa Indo-Eropa, wan diumpati lawan adanya urang nang bapandir mamakai basa ngitu: lain urang nang dalam maksud bangsa, maraga buhannya kada suah maulah kaasaan pulitik, wan lain urang nang dalam maksud ras apa haja, maraga buhannya hudah bacampur sacara genetik nang kaya populasi urang modern nang diaartiakan ulih basa. Lamunnya basa kita marupakan basa katurunan buhannya, kada maulah buhannya ngitu 'nenek moyang kita', labih matan urang Romawi bahari marupakan nenek moyang Parancis, Romawi, wan Brazil. Urang Indo-Eropa marupakan urang nang dalam maksud komunitas linguistik. Kita harus mamikirakan buhannya sabagai rangkaian matan klan wan suku, nang mangganai andakan nang rasuk wan batikas."^[4]

Sapahadangan 'Urang Proto-Indo-Eropa' dipakai bubuhan ilmuwan hagan manatapakan kalumpuk panutur takait lawan pakonstruksian basa proto wan budaya, istilah 'urang Indo-Eropa' kawa marujuk ka saban tukuh sajarah nang bapandir basa Indo-Eropa.^[5]

Mamakai rekonstruksi linguistik matan basa Indo-Eropa tadahulu nang kaya Latin wan Sansekerta, hipotesis basa Proto-Indo-Eropa disimpulakan. Lawan pandapat bahwa linguistik ngini mancarminakan budaya wan lingkungan urang Proto-Indo-Eropa, sifat-sifat budaya wan lingkungan ngini imbahnya dirakis baludang:

• Pastoralisme, taumpat sapi, kuda, wan hadupan inguan ^[6]
• Pahumaan wan budidaya babijian, taumpat jua teknologi nang umumnya dianggap baasal matan komunitas urang bahuma Neolitik uncit, cuntuh alat bajak.^[7]
• transportasi nang dipakai malalui banyu^[6]
• Ruda padat,^[8][6] dipakai hagan garubak, tagal karita lawan pilang baluman ada ^[9]
• Panyambahan dewa langit,^[7] *Dyḗus Ph₂tḗr (lit. "abah langit"; > Weda Sanskerta Dyáuṣ Pitṛ́, Yunani Kuno Ζεύς (πατήρ) / Zeus (dyeus)), vokatip *dyeu ph₂ter (> Latin Iūpiter, Illyrian Deipaturos)^[10]
• Puisi lisan batema kapahlawanan atawa lirik lagu nang mamakai frasa stok nang kaya kapinanduan nang kada kawa binasa o (*ḱléwos ń̥dʰgʷʰitom)^[11] wan ruda matahari (*sh₂uens kʷekʷlos).^[12]
• patrilineal sistim karakatan baasal karakatan-karakatan lalakian

Talaah filogenetik tahun 2016 matan kisah rakyat Indo-Eropa mangikihi bahwa sabuting kisah, The Smith and the Devil, kawa diyakini sabagai ulahan matan wayah Proto-Indo-Eropa. Kisah ngini, nang dikikihi matan kisah rakyat Indo-Eropa wayahini matan Skandinavia sampai India, mangisahakan saikung harat wasi nang manawari jiwa inya lawan makhluk buruk (umumnya setan dalam versi kisah wayahini matan kisah ngini) bahurup lawan kabisaan hagan kawa malas saban bahan baimbai. Harat wasi imbahnya mamakai kabisaan hanyarnya ngitu hagan marikitakan si setan ka banda nang kada bagarak (rajin pohon), sakira kawa malindat tawar manawar nang tadi. Manurut panulis, paulahan kisah rakyat ngini hagan Proto-Indo-Eropa manyimpulakan bahwa Urang Proto-Indo-Eropa baisi metalurgi, nang raraitannya "manampaiakan konteks nang masuk akal hagan evolusi budaya matan sabuting kisah saikung harat wasi nang maakal nang mancapai bantar manusia super atas kabisaannya."^[13]

Panalaah hudah manggawi banyak cucubaan hagan tahu budaya pra-sajarah lawan urang-urang panutur basa Proto-Indo-Eropa, tagal samunyaan teori kakiraan wara.

Ilmuwan abad ka-19 nang panambayan mambahas partakunan tanah banyu bubuhan urang Indo-Eropa (dikiau jua lawa ngaran Urheimat, matan Jerman), dasarnya bukti linguistik wara. Buhan ilmuwan mancubai andakan kasar lawan cara mamakai ngaran-ngaran tumbuhan wan binatang (nang kaya beech wan salmon) lawan jua budaya wan teknologi (budaya wayah gangsa nang bapusat lawan bainguan wan hudah kawa maminakakan kuda). Mufakat buhan ilmuwan ngini imbahnya tabagi jadi 2, panambayan ada nang manyambat bubuhan urang Proto-Indo-Eropa baalih matan Eropa ka Asia, mufakat ngini bangaran mufakat Eropa, nang kaduwa, mufakat bangaran mufakat Asia nang manyambat bubuhan urang Proto-Indo-Eropa baalih matan Asia ka Eropa.

Haratan pamulaan abad ka-20, partakunan ngitu jadi takait lawan palundangan "Ras Aryan", teori nang wayah ngini didiskreditakan nang dipromosiaakan salawas palundangan kakaisaran Eropa wan cungulnya "rasisme ilmiah".^[14] The question remains contentious within some flavours of ethnic nationalism (see also Indigenous Aryans).

Rangkaian kamajuan ganal cungul pas tahun 1970-an maraga korvegensi babarapa ilah. Panambayan, metode pananggalan radicarbon (tadapat tahun 1949) hudah tamurah hagan dicubai di skala ganal. Malalui dendrokonologi (pananggalan utas-pohon), pre-sejarawan kawa mangkalibrasi tanggal radiokarbon ka dahal akurasi nang tatinggi. Wan pauncitannya, sabalum tahun 1970an, danul Eropa Salatan wan Asia angah hudah ditikasi hagan bubuhan sarjana barat, sapahadangan arkeolog non-barat kada baisi akses hagan publikasi di jurnal panjanakan-baimbaian. Karya pandahulunya Marija Gimbutas, ditolongi lawan Colin Renfrew, sakadanya sapalihan maatasi piduhal ngini lawan mambujuri ekspedisi wan manyusun hagan tabanyak kolaborasi akademik antara sarjana Barat wan lain-Barat.

Kakiraan Kurgan, hingga 2017^[update] kakiraan nang pambanyaknya dipingkuti, maraga baisi bukti linguistik wan arkeolog, tagal kada samunyaan manarima.^[15][16] Ngini manampaiakan asal PIE di steppe Pontic-Caspian salawas Chalcolithic.^[1] Sadikit sarjana labih katuju kakiraan Anatolian, nang manyambat asal di Anatolia salawas wayah Neolitik. Teori lain (kakiraan Armenian, teori Luar India, Teori Paleolitik Batarusan, Kakiraan Balkan) baisi dukungan ilmiah marginal wara.^[1]

Raraitannya lawa terminologi, pamulaan abad ka-19 wan 20, kata Aryan baharinya dipakai maampah ka Urang Indo-Eropa wan katurunannya. Biar nang kaya ngitu, Aryan tarasuk ka ampah Indo-Iran, cabang Indo-Eropa nang bagana di danul Timur Tangah wan Asia Salatan, maraga basa Indik wan Iran wara nang sacara eksplisit manikinakan istilah nang ngitu sawagai sambatan surang nang maampah lawan samunyaan urang buhannya, sadangkan akar Proto-Indo-Eropa nang sama (*Aryo-) adalah dasar hagan bantuk kata Yunani wan Jermanik nang talihat hagan manampaiakan elit panguasa masyarakat Proto-Indo-Eropa (PIE) wara. Sabujurnya, bukti nang paling kawa dimasuki nang tasadia mamustiakan adanya galaran sosial-budaya nang umum, tagal kada jalas, matan "bangsawan" nang takait lawan masyarakat PIE wara, nang kaya leksikon sosial budaya Yunani wan ngaran-ngaran Jermanik nang baasal matan akar ngini tatap kada cukup hagan mamustiakan apakah konsep ngitu batikas lawan panunjukan elit sosial politik nang eksklusif, atawa apakah mungkin dicubai dalam arti nang paling inklusif hagan "bangsawan" nang barikit wan laluhur nang dikira jadi ciri samunyaan angguta etnis masyarakat PIE. Nang pauncitan wara nang kawa bapungsi sawagai panunjukan diri nang bajur wan universal hagan urang-urang Proto-Indo-Eropa. ^[17][18]

Pamulaan abad ka-12, istilah ngini hudah baludang dipakai dalam konteks rasisme maampah ka ras putih, pirang, wan mata biru "ras unggul" (Herrenrasse), yang memuncak dengan pogrom Nazi di Eropa. Selanjutnya, istilah Arya sawagai istilah umum asan Indo-Eropa hudah sacara maluas ditinggalakan bubuhan sarjana (malalui istilah Indo-Arya masih dipakai maampah ka cabang nang badiam di Asia Salatan).^[19]

Manurut babarapa arkeologis, panutur PIE kada kawa diasumsikan lawan sabuting urang atawa suku nang kawa diidentifikasi, tagal marupakan sakalumpuk populasi nang takait sacara lunggar nang baasal matan urang-urang Indo-Eropa nang imbahnya, sawagai masih prasajarah, wayah gangsa. Paitihan ngini dipingkuti khususnya bubuhan arkeolog nang maandak tanah banyu lawan mamparhitungkan ludang wan wayah. Tagal, paitihan ngini kada mamparhitungkan aspek basa, sawagai basa-proto, sama nang kaya basa sabalum transportasi wan komunikasi modern, manduduki dairah halsu salawas wayah nang batikas, wan dituturakan ulih garumbungan komunitas nang rakat-makna luasnya suku.^[20]

Bubuhan panalaah hudah maandak kakiraan andakan bubuhan panutur panambayan Proto-Indo-Eropa. Sadikit kakiraan nang ngini hudah salamat matan panjanakan bubuhan spesialis akademik dalam studi Indo-Eropa nang cukup baik gasan dimasukakan dalam debat akademik modern.^[21]

Kakiraan Kurgan (atawa Stepa) dihabarakan panambayan ulih Otto Schrader tahun 1883 wan V. Gordon Childe tahun 1926,^[22][23] wan imbahnya disimpunakan ulih Marija Gimbutas matan 1956 satarusnya. Ngaran kakiraan ngini matan kurgans (gundukan kuburan) di stepa Eurasia. Kakiraan ngini manyambat bahwa urang Indo-Eropa marupakan urang nang mamingkuti nilai-nilai patriarki, patrilineal, wan nomaden nang jua marupakan budaya urang Stepa Pontik-Kaspia (nang wayahini danul Ukraina utara wan Rusia salatan, bakambang dalam babarapa golongan salawas milenium ka-3 SM, tapaimbai lawan panjinakan kuda. Maninggalakan tanda-tanda arkeologis kahadiran buhannya (itihi Budaya Corded Ware), buhannya manaklukkan nang mustinya damai, petani neolitik Eropa egaliter wan matrilinear mata Eropa Lawas Gimbutas. Bantuk nang diubah matan teori ini ulih J. P. Mallory, nang mangira-ngira migrasi taawal (kira-kira 3500 sabalum masehi) wan kadada talalu mamaksaakan sifat kakarasan atawa kuasi militer buhannya, magun jadi kakiraan nang ludang diiihakan tentang ekspansi Proto-Indo-Eropa

Kakiraan Armenia badasar lawan teori glottalic nang manyambat bahwa basa Proto-Indo-Eropa dipakai abad milenium ka-4 sabalum masehi di dataran tinggi Armenia. Model Indo-Hittite ngini kada mamasukakan basa Anatolia dalam rancangannya. Ciri paalunan matan basa Proto Indo Eropa nang diajuakan malalui teori glottalic ngini bagus gasan manjaga basa Armenia wan basa-basa Germanik, pandapat tadahulu tantang kaunaan dialek mengenai in situ, manunjukakan bahwa ngitu tuh arkais walau pangasahannya talambat. Proto-Yunani wan Yunani Mycenean kurang labih sama maraga baasal abad ka-17 sabalum masehi, maraga migrasi urang Yunani ka Yunani lawan migrasi Indo-Arya ka India kurang labih sama wayahnya (yaitu, ekspansi Indo-Eropa lawan transisi ka Wayah gangsa pauncitan, tarmasuk kamungkinan Kassites Indo-Eropa). Kakiraan Armenia manyambat kamungkinan wayah pahanyarnya Proto-Indo-Eropa (sans Anatolia), satu milenium talambat matan Kakiraan arus utama Kurgan. Maraga ini, talihat balawanan lawan kakiraan Anatolia, talapas matan kaparakan geografis matan surang-surang Unheirmaten nang disarankan, manyiwah matan karangka waktu yang disarankan di sana salawas tiga milienium hibak.^[24][25]

Kakiraan Anatolia diajuakan ulih Colin Renfrew matan tahun 1980-an wan imbahannya, manyambat bahwa basa Indo-Eropa mambantar badamai ka Eropa matan Asia Minor matan kakira 7000 sabalum masehi lawan kamajuan bahuma (galumbang muka). Budaya Indo-Eropa nang kaya disambat ulih rekonsruksi linguistik mangalami kangalihan hagan teori ngini, maraga budaya zaman neolitik pamulaan kadada kuda, roda, wan metal - istilah hagan samuanyaan nang aman direkonstruksi hagan Proto-Indo-Eropa. Renfrew baindah lawan pandapat ngini, mambandingakan rekonstruksi ngitu ka teori nang maraga adanya kata "café" dalam samunyaan basa Roman hanyar manyiratkan bahwa Roman dahulu baisi kata "cafés" jua.

Pandapat lain, nang disambat matan pandukung teori Stepa Urheimat (nang kaya David Anthony), manantang pandapat Renfrew, faktanya Anatolia bahari dipinandui wadah nang hudah diganai buhan urang nang lain bapandir mamakai basa Indo-Eropa pas melinium, basa nang dipakai kaya Hattian (pinanya panutur Causacian Utara), Chalybes (basa nang kada dipinandui), wan Hurrian (Hurro-Urartian) pas ka-2 sabalum masehi.

Maumpati publikasi matan babarapa studi DNA bahari tahun 2015, Colin Renfrew imbahnya maakui peran penting paalihan populasi panutur asa atawa babarapa basa Indo-Eropa matan Stepa Pontik hagan Eropa Utara, mancatat bahwa bukti DNA matan karangka bahari "hudah sabukuan maanumi kakiraan kurgan Maria Gimbatus. "^[26][27]

Cungulnya bukti arkeogenetika nang mamakai analisis genetika gasan malacak mutip migrasi jadi elemen hanyar gasan mancari tahu asal-usul urang Proto-Indo-Eropa.

Kakiraan Kurgan atawa teori stepa marupakan proposal nang paling ditarima dalam maidentifikasi tanah banyu Urang Indo-Eropa matan andakan baasa Indo-Eropa tabantar di Eropa wan sapalihan danul Asia. Disambat bahwa urang-urang lawan budaya Kurgan di Stepa Pontik di Utara Laut Hirang kabanyakan marupakan panutur basa Proto-Indo-Eropa (PIE). Istilah Kurgan surang baasal matan basa Rusia, kurgan ((курга́н), nang bamakna bukit kuburan atawa gundukan kuburan.^{[28][citation needed]}

Manurut studi tiga DNA autosomal, haplogrup R1b wan R1a, wayahini marupakan nang paumumnya di Eropa (R1a paumumnya jua di Asia Salatan) nang pinanya mambantar matan Stepa Pontik, baimbai lawan basa Indo-Eropa; buhannya jua mandapati adanya unsur autosomal di Urang Eropa wayahini nang mana autosomal ngitu kadada di Urang Eropa Neolitik, nang mana dipinanduakan lawan gigis katurunan ampah abah R1b wan R1a, sarta basa-basa Urang Indo-Eropas.^[29][30][31] Studi nang maanyaki manusia bahari di Irlandia wan Portugal mamadahakan R1b dipinanduakan di nagara-nagara ngini lawan DNA autosomal matan Stepa Pontik.^[32][33]

1. ^ ^{a b c} Anthony & Ringe 2015.
2. ^ Anthony, David W. (26 July 2010). The horse, the wheel, and language: how Bronze-Age riders from the Eurasian steppes shaped the modern world. Princeton, N.J. ISBN 9781400831104. OCLC 496275617. 
3. ^ Mallory, J. P.; Adams, Douglas Q. (1997). Encyclopedia of Indo-European culture. Taylor & Francis. hlm. 4 and 6 (Afanasevo), 13 and 16 (Anatolia), 243 (Greece), 127–128 (Corded Ware), and 653 (Yamna). ISBN 978-1-884964-98-5. Diakses tanggal 24 March 2012. 
4. ^ West, Martin L. (2007). Indo-European Poetry and Myth. Oxford University Press. hlm. 2. ISBN 978-0-19-928075-9. 
5. ^ Huld, Martin E. (2010), "Indo-Europeans", The Oxford Encyclopedia of Ancient Greece and Rome, Oxford University Press, doi:10.1093/acref/9780195170726.001.0001, ISBN 978-0-19-517072-6 
6. ^ ^{a b c} Watkins 2000.
7. ^ ^{a b} The Oxford Companion to Archaeology – Edited by Brian M. Fagan, Oxford University Press, 1996, ISBN 0-19-507618-4, p 347 – J.P. Mallory
8. ^ Hans J.J.G. Holm: The Earliest Wheel Finds, Their Archeology and Indo-European Terminology in Time and Space, and Early Migrations around the Caucasus. Archaeolingua Alapítvány, Budapest, 2019, ISBN 978-615-5766-30-5
9. ^ The Oxford introduction to Proto-Indo-European and the Proto-Indo-European world – J. P. Mallory, Douglas Q. Adams, Oxford University Press, 2006, ISBN 0-19-929668-5, p. 249
10. ^ Barfield, Owen (1967). History in English Words. hlm. 89. ISBN 9780940262119. 
11. ^ Watkins, Calvert (1995-11-16). How to Kill a Dragon: Aspects of Indo-European Poetics. Oxford University Press. hlm. 173. ISBN 978-0-19-802471-2. 
12. ^ Beekes, Robert S. P. (2011). Comparative Indo-European Linguistics: An Introduction. John Benjamins Publishing. hlm. 42. ISBN 978-90-272-1185-9. 
13. ^ da Silva, Sara Graça; Tehrani, Jamshid J. (2016). "Comparative phylogenetic analyses uncover the ancient roots of Indo-European folktales". Royal Society Open Science. 3 (1): 150645. doi:10.1098/rsos.150645. PMC 4736946  . PMID 26909191. 
14. ^ Gilroy, Paul. "Against Race," Harvard UP, 2000. Mish, Frederic C., Editor in Chief Webster's Tenth New Collegiate Dictionary Springfield, Massachusetts, U.S.A.:1994--Merriam-Webster See original definition (definition #1) of "Aryan" in English--Page 66
15. ^ Underhill, Peter A.; et al. (2010). "Separating the post-Glacial coancestry of European and Asian Y chromosomes within haplogroup R1a". European Journal of Human Genetics. 18 (4): 479–84. doi:10.1038/ejhg.2009.194. PMC 2987245  . PMID 19888303. 
16. ^ Sahoo, Sanghamitra; et al. (January 2006). "A prehistory of Indian Y chromosomes: Evaluating demic diffusion scenarios". Proceedings of the National Academy of Sciences of the United States of America. 103 (4): 843–48. Bibcode:2006PNAS..103..843S. doi:10.1073/pnas.0507714103  . PMC 1347984  . PMID 16415161. 
17. ^ Thapar 1996.
18. ^ Thapar 2019.
19. ^ Pereltsvaig, Asya; Lewis, Martin W. (2015). "1". The Indo-European Controversy: Facts and Fallacies in Historical Linguistics. Cambridge University Press. ISBN 9781316299111. 
20. ^ Aikio, Ante (2012). "An essay on Saami ethnolinguistic prehistory" (PDF). Mémoires de la Société Finno-Ougrienne. Helsinki, Finland: Finno-Ugrian Society (266, A Linguistic Map of Prehistoric Northern Europe): 93f., 98. Diakses tanggal 31 July 2017. 
21. ^ Mallory 1991, hlm. Citakan:Pn.
22. ^ Renfrew, Colin (1990). Archaeology and Language: The Puzzle of Indo-European Origins. Cambridge University Press. hlm. 37–38. ISBN 978-0-521-38675-3. 
23. ^ Jones-Bley, Karlene (2008). "Proceedings of the Eighteenth Annual Indo-European Conference, Los Angeles, November 3–4, 2006". Historiographia Linguistica. 35 (3): 465–467. doi:10.1075/hl.35.3.15koe. ISSN 0302-5160. 
24. ^ T. V. Gamkrelidze and V. V. Ivanov (March 1990) "The Early History of Indo-European Languages", Scientific American.
25. ^ I.M. Diakonoff (1984) The Prehistory of the Armenian People.
26. ^ Renfrew, Colin (2017) "Marija Redivia : DNA and Indo-European origins" (The Oriental Institute lecture series : Marija Gimbutas memorial lecture, Chicago. November 8, 2017, see timestamp 11:14).
27. ^ Pellard, Thomas; Sagart, Laurent; Jacques, Guillaume (2018). "L'indo-européen n'est pas un mythe". Bulletin de la Société de Linguistique de Paris. 113 (1): 79–102. doi:10.2143/BSL.113.1.3285465.  Parameter |s2cid= yang tidak diketahui akan diabaikan (bantuan)
28. ^ "kurgan". en.wiktionary.org. 24 November 2020. Diakses tanggal 2021-03-02. 
29. ^ Haak et al. 2015.
30. ^ Allentoft, Morten E.; et al. (2015). "Population genomics of Bronze Age Eurasia". Nature. 522 (7555): 167–172. Bibcode:2015Natur.522..167A. doi:10.1038/nature14507. PMID 26062507.  Parameter |s2cid= yang tidak diketahui akan diabaikan (bantuan)
31. ^ Mathieson, Iain; et al. (2015-03-14). "Eight thousand years of natural selection in Europe". bioRxiv: 016477. doi:10.1101/016477.  Parameter |s2cid= yang tidak diketahui akan diabaikan (bantuan)
32. ^ Lara M. Cassidy; et al. (2016). "Neolithic and Bronze Age migration to Ireland and establishment of the insular Atlantic genome" (PDF). PNAS. 113 (2): 368–373. Bibcode:2016PNAS..113..368C. doi:10.1073/pnas.1518445113  . PMC 4720318  . PMID 26712024. 
33. ^ Rui Martiniano; et al. (2017). "The population genomics of archaeological transition in west Iberia: Investigation of ancient substructure using imputation and haplotype-based methods". PLOS Genet. 13 (7): e1006852. doi:10.1371/journal.pgen.1006852. PMC 5531429  . PMID 28749934.