Silvio Berlusconi

Si Silvio Berlusconi (Italiyanong pagsayod: [ˈsilvjo berluˈskoːni] (namundag Septyembre 29, 1936) iyo an presenteng Primer Ministro kan Italya asin nagtukaw sa katongdan na ini poon pa kan Mayo 8, 2008. Siya sarong konserbatibong pulitiko asin sarong mayamanon na negosyante. Bantog siya sa arapodan na Il Cavaliere (literalmente, An Caballero) huli ta siya nagawadan kan knighthood Order of Merit for Labour kan taon 1977.

Siya an pinakahaloy nang nagsirbe na primer ministro sa Italya poon kan pakagera asin siya man an ikatolong haloy na nagsirbe poon pa kan namukna an Italya, sunod sa rekord ni Benito Mussolini asin ni Giovanni Giolitti. KInaptan niya an katongdan niyang ini nin tolong beses sa magkasuwaysuway na okasyon: poon 1994 abot 1995, poon 2001 abot 2006 asin sa presente poon kan taon 2008. Kan 2001, an Forbes na magasin pigranggo siya na ika-118 pinakamayaman na persona sa kinaban, na may net worth na US$7.8 bilyon.^[1]