Befreiungshalle

Die Druckversion wird nicht mehr unterstützt und kann Darstellungsfehler aufweisen. Bitte aktualisiere deine Browser-Lesezeichen und verwende stattdessen die Standard-Druckfunktion des Browsers.

D Befreiungshalle is a z Kelheim aufm Michelsberg liegads Denkmoi fia de gwungan Schlachtn vo de Befreiungsgriag vo Anno 1813-1815. Da Kine Ludwig I. vo Bayern hod den Bau in Aufdrog gem.

Gschicht

Da Bau is Anno 1842 vom Friedrich von Gärtner noch remisch-griachische Stuivorbuida agfangd won. Zua Grundstoalegung am 19. Oktober is a Chorgesang fiaran vierstimmign Manachor, vom Königlich Bayerischen Hofkapellmeister Joseph Hartmann Stuntz komboniad won. Den Text hod se da Kine seiba dicht:

HEIL EUCH WACKRE MÄNNER MUTHGE KRIEGER

DIE ERRUNGEN IHR DEN HELDENKRANZ

HEIL EUCH TREUE TEUTSCHE, TAPFRE SIEGER

EWIG WÄHRET EURER THATEN GLANZ

EWIG EWIG WÄHRET EURER THATEN EURER THATEN GLANZ

EWIG EURER THATEN GLANZ

(Heil eng wackare Mana muadige Kriaga

es wos es dagreid habts an Heldenkranz

Heil eng treue deitsche, dapfane Siega

ewig bleibt da Glanz vo engane Taten

ewig ewig bleibt enga Taten enga Taten Glanz

ewig enga Taten Glanz)

Da Leo von Klenze hod aufn Ghoaß vom Kine d Pläne vom feadign Bau Anno 1863 gändat. D feialische Eröffnung hod am 18. Oktober 1863, am 50. Jeadog vo da Veikaschlacht bei Leipzig stodgfundn.

Galerie vo de 18 aissan Kolossalstatuen

De 18 Statuen a da Außnseitn vo da Befreiungshoin z Kelheim stengand fua deitschsprochige Voiksstämm bzw. Regionen. D Hähn vo de Statuen hand jeweils 580 cm. Se hand noch Modelle vom Buidhaua Johann Halbig gschafffa won.