Bersntolerisch
Bersntolerisch oda Bersntoler Sproch (deitsch: Fersentalerisch oda Mochenisch, italienisch: mocheno) is a owadeitscha (boarischa) Dialekt, der wauu in drei Gmeindn im Bersntol im Trentino, Trentino-Siidtiroi im Nordwestn vu Italien gredt wead.
| Bersntolerisch | ||
|---|---|---|
|
Gredd in |
Italien, Trentino in de Gmeindn Vlarotz/Florutz/Fierozzo, Palae/Palai/Palù und Garait/Gereut/Frassilongo, einschl. Oachleit/Eichleit/Roveda) | |
| Sprecha | uma 2.278 (untaschiedliche Dialektkenntniss) | |
| Linguistische Klassifikation |
Indogermanisch
| |
| Amtlicha Status | ||
| Amtssproch vo | Gschützt im Trentino | |
| Sprochcodes | ||
| ISO 639-1: |
– | |
| ISO 639-2: |
gem (sunstige Germanische Schbrouchn) | |
As Bersntolerische is vawandt mit de boarischn Dialekt und wead untaschidlich ois südboarischer Dialekt oda ois eingschdändige Sprauuch oogseng. D'Sprecha vum Bersntolerischn vastenna angeblich aa doiweis Boarisch, Zimbrisch und Standaddeitsch, wos dafia schbrichd, dass ma s ois Dialekt ejstuft. Die vüü grundlengdn Untaschid in da Grammadik macha s owa fia an Sprecha vum Standaddeitschn schwaa, as Bersntolerische zum vastaj.
Laud da Voikszöhlung im Johr 2001, in dera wauu zum easchtn Maj Datn iwa d'Muttasprauuch afgnumma woan han, red de Mehrheid in de foingdn Gmeinden Bernstolerisch (Midgliedazoih vu da bernstolerisch Schbrouchgmeinschafd): Vlarotz/Florutz/Fierozzo (423 Leid, 95,92 %), Palae/Palai/Palù (184 Leid, 95,34 %) und Garait/Gereut/Frassilongo (340 Leid, 95,24 % - zsamm midm Dorf Oachleit/Eichleit/Roveda). In andare Gmeindn im Bersntol gem 1.331 Leid oo, daßs zu da bersntolerischn Sprauuchgmeinschafd gheern. Andare Gwöün gem oo, daß de gsamte Bevoikarung vu Oachleit und Palae, a Mehrheid z'Vlarotz und a Mindaheid im Dorf Garait Bersntolerisch ren.[1]
As Bersntolerische derf ma ned midm Zimbrischn vawechsln.