Aleksandr Lúriya

Aleksandr Lúriya
Vida
Nacimientu	Kazán[1], 3 de xunetu de 1902 (xul.)[2]
Nacionalidá	Xunión Soviética
Residencia	Lobachevsky Street (en)
Muerte	Moscú, 14 d'agostu de 1977[3] (75 años)
Familia
Padre	Román Lúriya
Estudios
Estudios	Kazan State Medical University (en) 1921) Primer Universidá Estatal Médica de Moscú I.M. Séchenov 1937)
Nivel d'estudios	Doctor of Pedagogy Sciences (en) Doctor en ciencias de medicina (es)
Direutor de tesis	Lev Vygotski
Direutor de tesis de	Boris Velichkovsky (es) Vladimir Lubovsky (es) Alexander Meshcheriakov Susanna Rubinstein Evgenia Khomskaya (en) Victor Lebedinsky (en) Yuri Vladimirovich Mikadze (en)
Llingües falaes	rusu[4]
Alumnu de	Lev Vygotski
Profesor de	Boris Velichkovsky (es) Alexander Meshcheriakov Evgenia Khomskaya (en) Elkhonon Goldberg Oleg Konstantinovitsj Tichomirov
Oficiu	médicu, psicólogu, special education teacher (en) , antropólogu
Emplegadores	Universidá Estatal de Moscú
Premios	ver Премии имени М. В. Ломоносова Orde de la Bandera Colorada del Trabayu Orde de Lenin Orde de la Insinia d'Honor Honorary Fellow of the British Psychological Society honorary doctor of the Maria Curie-Skłodowska University  (1974)
Influyencies	Lev Vygotski
Miembru de	Academia de les Artes y les Ciencies d'Estaos Xuníos Academia Nacional de Ciencies de los Estaos Xuníos

Aleksandr Románovich Lúriya (Алекса́ндр Рома́нович Лу́рия) (16 de xunetu de 1902 - 14 d'agostu de 1977), n'ocasiones trescritu como Alexander Luria, foi un neuropsicólogo y médicu rusu. Discípulu de Lev Semiónovich Vygotski, foi unu de los fundadores de la neurociencia cognitiva, parte de la neuropsicoloxía. Cola publicación de los sos dos obres más importantes, L'afasia traumática y Les funciones corticales superiores del home, basaos na so investigación de los casos de firíes cerebrales mientres la Segunda Guerra Mundial, púnxose a la cabeza de la neuropsicoloxía mundial.

La editorial española KRK publicó dos llibros nos que'l neuropsicólogo rellata dos interesantes casos clínicos: Pequeñu llibru d'una gran memoria. La mente d'un mnemonista (Traducción: Lydia Kúper) ISBN 978-84-8367-178-8 y Mundu perdíu y recuperáu. Historia d'una mancadura (Traducción: Joaquín Fernández-Valdés) ISBN 978-84-8367-284-6.

La neuropsicoloxía –nueva caña de la neuroloxía y de la psicoloxía- nació gracies a los ésitos de la neurociruxía y a la necesidá, surdida a resultes d'estos ésitos, d'un diagnósticu lo más preciso posible de les mancadures locales del celebru ”.^[5]

Respeuto del procesu de manipulación d'oxetos, que puede executase por aciu distintes secuencies d'impulsos motores, o'l procesu d'escribir, que puede faese con una mano o cola otra, Lúriya espresa que “anque esta estructura «sistémica» ye carauterística de sistemes conductuales relativamente simples, ye muncho más carauterística de formes más complexes d'actividá mental. Naturalmente, tolos procesos mentales tales como perceición y memorización, ignosis y praxis, llinguaxe y pensamientu, escritura, llectura y aritmética, nun pueden ser consideraos como «facultaes» aisllaes nin tampoco indivisibles, que pueden suponese «función» direuta de llindaos grupos de célules o tar «alcontraes» n'árees particulares del celebru”.^[6]

Respectu de la llocalización, Lúriya espresa que los sistemes funcionales complexos nun pueden alcontrase en zones acutaes del córtex o en grupos celulares aisllaos, sinón que tienen de tar entamaos en sistemes de zones que trabayen concertadamente, caúna de les cuales exerz el so papel dientro del sistema funcional complexu, y que pueden tar asitiaes n'árees dafechu distintes, y, de cutiu, bien distantes nel celebru”.

“La segunda carauterística propia de la «llocalización» de los procesos cimeros del córtex humanu ye que nunca permanez constante o estática, sinón que camuda esencialmente mientres el desarrollu del neñu y nos subsiguientes periodos d'aprendizaxe. Esta proposición qu'a la primer vista podría paecer estraña, de fechu ye abondo natural. El desarrollu de cualquier tipu d'actividá consciente complexa de primeres vase estendiendo y rique un ciertu númberu de dispositivos esternos pa ello y hasta más tarde nun se va entestando gradualmente y conviértese nuna habilidá motora automática”.

“Tou lo que se dixo sobre la estructura sistémica de los procesos psicolóxicos superiores obliga a una revisión radical de les idees clásiques sobre'l so «llocalización» nel córtex cerebral. Poro, la nuesa misión nun ye «alcontrar» los procesos psicolóxicos superiores del home n'árees llindes del córtex, sinón pescudar, por aciu un cuidadosu analís, qué grupos de zones de trabayu alcordáu del celebru son responsables de la execución de l'actividá mental complexa; qué contribución apurre caúna d'estes zones al sistema funcional complexu; y cómo camuda la rellación ente estes partes de trabayu alcordáu del celebru na realización de l'actividá mental complexa, nes distintes etapes del so desarrollu” ”.^[6]

Tocantes a la importancia de la detección de los síntomes producíos por mancadures cerebrales, Lúriya esplica que “si l'actividá mental ye un sistema funcional complexu, que supón la participación d'un grupu d'árees del córtex que trabayen concertadamente (y delles vegaes, árees del celebru bien distantes), una mancadura de caúna d'estes zones o árees puede conducir a la desintegración de tol sistema funcional, y d'esta miente el síntoma o perda d'una función particular nun nos diz nada sobre'l so «llocalización»”.

“Pa poder progresar dende l'establecimientu del síntoma (perda d'una función dada) hasta la llocalización de l'actividá mental correspondiente, queda entá enforma camín por faer. La so parte más importante ye'l detalláu analís psicolóxicu de la estructura de la enfermedá y la elucidación de les causes inmediates del colapsu del sistema funcional, o, n'otres pallabres, una cualificación detallada del sistema reparáu” ”.^[6]

Lúriya describe toa actividá mental con base en tres unidaes funcionales del celebru:

1) Unidá pa regular el tonu o la vixilia. 2) Unidá pa llograr, procesar y almacenar información que llega del mundu esterior. 3) Unidá pa programar, regular y verificar l'actividá mental.es la organización de l'actividá consciente

Destaca que caúna d'estes unidaes ye d'estructura xerárquica y consiste en tres zones corticales un sobre la otra:

A) L'área primaria (de proyeición) que recibe impulsos de, o les manda a, la periferia. B) L'área secundaria (de proyeición-asociación) onde la información que recibe ye procesada, o onde se preparar los programes. C) L'área terciaria (zones de superposición), los últimos sistemes en desenvolvese nos hemisferios cerebrales, y responsables nel home de les más complexes formes d'actividá mental que riquen la participación alcordada de munches árees corticales.

• Eric Kandel
• neurobioloxía
• neurociencia
• neuropsicoloxía