Canal de Suez
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La canal de Suez (n'árabe: Qanā al-Suways), ye una canal artificial de navegación que separta África d'Asia y xune'l mar Mediterraneu col mar Roxu, al traviés del ismu de Suez. La so llonxitú ye de 163 km ente Port Said (na ribera mediterránea) y Suez (na costa del mar Roxu). La canal alcuéntrase en tarritoriu d'Exiptu.
| Canal de Suez | |
|---|---|
| قناة السويس (ar) | |
| canal navegable | |
.jpg) | |
| Llocalización | |
| País |  Exiptu |
| Gobernaciones | Gobernación de Suez (es)  |
| Llugar físicu |
Istmo de Suez (es) |
| Coordenaes | 30°42′18″N 32°20′39″E / 30.705°N 32.344166666667°E |
  Canal de Suez Canal de Suez (Exiptu) | |
| Altitú | 0 m |
| Historia y usu | |
| Construcción | 25 abril 1859 - 1869 |
| Guerra de los Seis Díes | |
| Guerra del Yom Kippur | |
| Guerra del Sinaí | |
| Accidente de la canal de Suez de 2021 | 23 marzu 2021 - 29 marzu 2021 |
| Suez Canal Area Development Project (en) | |
| Conquista musulmana de Egipto (es) | |
| Xestión | Autoridá de la Canal de Suez |
| Orixe del nome | Suez |
| Arquiteutura | |
| Arquiteutu/a |
Ferdinand de Lesseps Alois Negrelli (es) |
| Llargor | 193,3 km |
| Encruces |
Mar Roxu mar Mediterraneu |
| Web oficial | |
 | |
Supón una gran aida pa los barcos que necesiten dir d'Europa a Asia, yá qu'asina nun-yos ye necesariu pasar pel cabu de Bona Esperanza (Sudáfrica).
Historia
editarLa construcción de la canal entamóse'l 25 d'abril de 1859 pola empresa de Ferdinand de Lesseps, col permisu de les autoridaes exipcianes de la época, y foi inaugurada en 1869. Pa la ocasión, el compositor italianu Giuseppe Verdi compunxo (por encargu) la ópera Aida. Nel momentu de la inauguración, Exiptu poseyía'l 44% de les aiciones y unos 21.000 franceses.
Estímase qu'un millón y mediu d'exipcianos participaron na construcción de la canal con máquines especialmente diseñaes. Unos 125.000 morrieron demientres la construcción principalmente por mor del cólera.
El 17 de febreru de 1867 un primer barcu atraviesó la canal, anque la inauguración oficial realizóse'l 17 de payares de 1869 baxo la presencia de la emperatriz Eugenia de Montijo.
En 1875 el Pachá d'Exiptu, por mor de la delda esterna del país, punxo a la venta la so parte de les aiciones de la Canal. Nuna rápida maniobra, el Primer Ministru d'Inglaterra, a la sazón Benjamin Disraeli, convenció a la Reina Victoria de la necesidá de mercales pa tomar el control sobro la ruta haza la India, la colonia más rica d'Inglaterra. Un unviáu de Disraeli algamó un cuantiosu préstamu del bancu Rothschild, y d'esta manera Inglaterra afitó'l dominiu de la Canal.
El 26 de xunetu de 1956 el Presidente exipcianu Gamal Abdel Nasser resolvió nacionalizar la canal col oxetivu de financiar en parte la construcción de la presa d'Asuán. La midía foi recibida con indignación por Francia ya Inglaterra, quienes realizaron una desastrosa invasión a la zona, que finó cola retirada dafechu de les potencies europees.
La Canal foi alministrada por Nasser fasta'l so pieslle ente 1967 y 1975, como consecuencia de la Guerra de los Seis Díes, coles fuercies de paz de la ONX hasta 1974, permaneciendo depués abiertu al tráficu internacional hasta anguaño.
Permitió'l tener qu'evitar rodear el continente africanu pal comerciu con Asia.
Carauterístiques
editarAl aviesu que la Canal de Panamá, nun presenta escluses yá que les sos agües alcuentrense al mesmu nivel que les de los dos mares qu'une. Altraviesa los llagos de Manzala, Timsah y Amer.
Puen pasar buques d'un calume de hasta 15 m, anque hai proyeutos pa permitir el pasu de superpetroleros con calumes de hasta 22 m haza'l 2010. Anguaño, esti tipu de barcos han descargar parte de la so mercancía nún barcu perteneciente a la canal cola fin d'amenorgar el so calume y poder pasar.
Tien un anchor mediu de 365 m, de los cualos 190 son navegables. Al entamu, por embargu, estos valores yeren de 52 y 44 m respeutivamente. D'una manera o otra la llonxitú total de la obra ye de 195 km, debíu a dos canales de derivación.
Unos 15.000 navíos atraviesen la canal cada añu, lo que supón un 14% del tresporte mundial de mercancíes. El trayeutu dura ente 11 y 16 h.
Ver tamién
editarReferencies
editarEnllaces esternos
editar- (castellán) Semeya dende l'aire de Google Maps