Villafermosa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pa atros emplegos de lo toponimo Villafermosa se veiga Villafermosa (desambigación).

Villafermosa
Municipio d'Aragón
Ilesia de santa María Malena.
Entidat  • País  • Provincia  • Comarca	Municipio  Aragón  Teruel Xiloca
Partiu chudicial	Calamocha
Superficie	19,2 km²
Población  • Total  • Densidat	93 hab. (2013) 4,84 hab/km²
Altaria  • Meyana	956 m.
Distancia  • 124 km	enta Teruel
Alcalde	José Antonio Ramo Aparicio
Codigo postal	44494
Parroquial  • Diocesi  • Arcipestrau  • Parroquia	Teruel y Albarracín Calamocha Santa María Malena
Río	Uerba
Coordenadas	41° 6’34’’N 1°14’46’’U
Villafermosa Villafermosa en Aragón
Web oficial

Villafermosa (Villahermosa del Campo en castellano) ye un municipio aragonés de la provincia de Teruel, situau en la comarca de Xiloca.

La suya población ye de 93 habitants, en una superficie de 19,2 km², con una densidat de población de 4,84 hab/km².

Ye situada a en Campo Romanos a piet de la Sierra de Cucalón, a 956 metros d'altaria sobre lo livel d'a mar, a una distancia de 124 km de Teruel, la capital de la suya provincia. Cuasi tot lo termin municipal de Villafermosa ye plan, de fueras de lo cabo oriental, a on ye una part de la Sierra de Santa Catalina, prolongación meridional de la Sierra de Peco.

Se creye que corresponde con Villaalbiella de lo documento de 1205 an que lo bispe de Zaragoza Remón de Castrocol adchudica decimas y primicias a diferents ilesias de la Comunidat de Daroca^[1]. Lo cambeo de nombre se produció antes de lo sieglo XIV, porque en lo "Fogache de 1495" ya fegura Villafermosa, y antes de 1373 porque en lo "libro de la manifestación de lo morabetín de las aldeyas de la ciudat de Daroca" fegura como Villa Fermosa.

La denominación de villa se troba en atros lugars de la redolada, y l'adchectivo aragonés fermosa da un matiz sucherent como en atros lugars de la redolada (Cuencabuena, Fuent Buena, Valverde, Camín Reyal) y puet reflectar fundacions dimpués de la reconquiesta an que se quereba fer venir repobladors^[1].

La fundación de Villafermosa eclixó las aldeyas de Baselga y La Salce^[2][3].

• Ilesia parroquial de Santa María Malena, de lo sieglo XVI, d'estilo gotico-renaixentista, construita dencima d'una ilesia anterior d'estilo romanico.
• Ermita de los santos Chervás y Protasio, de lo sieglo XVIII, d'estilo barroco.
• Ermita de Sant Miguel, de lo sieglo XVII.
• Ermita de Sant Chorche, antiga ilesia de La Salce.

Lo zaguer sabado de mayo se fa una romería en lo Santo (Ermita de Sant Miguel). Fiestas en honor a Sant Chervás y San Protasio, en la segunda quincena de chulio.

• (es) Pascual Diarte Lorente: Presencia, poder e influencia de la Iglesia en el valle medio-alto del Jiloca y tierras aledañas. Xiloca: revista del Centro de Estudios del Jiloca, nº 20, 1997, pp 77–105. ISSN: 0214-1175.
• (es) Mercedes Rubio: Despoblados y pardinas medievales en la Comarca del Jiloca. Xiloca: revista del Centro de Estudios del Jiloca, ISSN 0214-1175, Nº. 41, 2013 , pp 11–38.

• (es) Pachina web no oficial.
• (es) Diccionario de Villafermosa.

• Lista de municipios de Teruel.