Instituto de Estudios Altoaragoneses

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Instituto d'Estudios Altoaragoneses Instituto de Estudios Altoaragoneses
A seu de l'Instituto d'Estudios Altoaragoneses
Información d'o Institución cultural
Establito	1949
Seu	Carrera d'o Parque, 10 Uesca, Aragón 42°08′12″N 00°24′37″U
Director	Alberto Sabio
Localización
Instituto d'Estudios Altoaragoneses Instituto d'Estudios Altoaragoneses en Aragón
Sitio web
iea.es

O Instituto de Estudios Altoaragoneses (Instituto d'Estudios Altoaragoneses en aragonés; IEA en as suyas siglas) ye una institución cultural aragonesa que tien como finalidat d'estudiar y pubicar estudios sobre l'Alto Aragón. Actualment y dende 1977 ye adscrito a la Deputación Provincial de Uesca con o suyo nombre actual, pero cuan s'establió en 1949 teneba o nombre de Instituto de Estudios Oscenses (Instituto d'Estudios Uescanos en aragonés) y yera una institución independient de cualsiquier vinclo con l'Administración publica. Os suyos establidors estioron Virgilio Valenzuela Foved, Ricardo del Arco, Salvador María de Ayerbe, Miquel Dolç, Antonio Durán Gudiol y Federico Balaguer.

Actualment fa parte d'a Confederación Española de Centros de Estudios Locales, relacionando-se con o Consejo Superior de Investigaciones Científicas y tien a suya seu social en a ciudat de Uesca, encara que tamién conta con subdelegacions u subcentros en bellas comarcas altoaragonesas. O suyo actual director ye Fernando Alvira Banzo, estando-ne o suyo subdirector Francho Nagore.

Amás de publicar libros, o IEA tamién fa publicacions periodicas como a revista Argensola, sobre Historia y Ciencias Socials; a revista Alazet sobre Filolochía; a revista Lucas Mallada, sobre Ciencia; u a revista Bolskan sobre Arqueolochía. Fa las suyas publicacions en as tres luengas d'Aragón: aragonés, castellano y catalán.

• 1949-1978: Virgilio Valenzuela Foved.
• 1978-1981: Cecilio Serena.
• 1985-1989: Agustín Ubieto Arteta.
• 1990-1992: José Ramón López Pardo.
• 1992-1994: Antonio Durán Gudiol.
• 1995-2000: Bizén d'o Río.
• 2000-2020: Fernando Alvira Banzo.
• 2020-hue: Alberto Sabio Alcutén.

• Sitio web oficial de l'Instituto de Estudios Altoaragoneses.